Willis Drummonden agur besta
Non: Intxaurrondoko kultur etxean, Donostian
Noiz: Urtarrilaren 5ean
Gonbidatuak: Zetkin, Elvis Caino DJ, Indezen DJ eta Zumitrenko DJ.
------------------------------------------------
... esango dugu noizbait. Joan ikustera, baina jada ez. Pausa luze baten aurreko despedida besta egin zuten Donostian, urtarrilaren 5ean, bostehun lagunez beteriko Intxaurrondoko kultur etxean. Ez da dudarik Willis Drummondek eskaintzen duen maila eta energia inork gutxik emateko ahalmena duela, eta hori bistan geratu da agurreko kontzertuan, paretetatik igotzen jarri baikintuzten publikoan ginen zortedunok. Zortea edo, bizkor ibiltzearen saria; bi hilabete lehenago agortuak ziren sarrera guztiak, artean esan gabe zela azken kontzertua izango zutela.
Ez ziren Durangoko Azokan egon, eta horren ostean eman zuten oholtzak utziko zituztenaren berri. Urteotan jarduteko izan duten moduaren adierazle, nabarmenkerietan erori gabe. Azken kontzertu honen egunean, Berria egunkariko Leire Casamajou kazetariari, bestarako izango zuten plana iragartzen zion moduan, gogoetarako adierazpen batzuk ere egin zizkion Jurgi Ekizak. Gaurko egunean gehien handitzen diren taldeek marketina eta enpresagintza menperatzen dutela zioen, eta zaila duela handitzea "enpresa espiritu" hori ez duenak. Mugatuak ikusten zituzten beren buruak. Baina muga horien barnean bat egiten du jende askok. Intxaurrondon, kasu. Gaitasun analogikoak gailentzen dira Willis Drummonden kontzertuan: indarra, publikoarekiko duten gertutasuna, energia, poza transmititzeko abilezia, plazera... Gauza sinple bezain autentikoak distortsioen munduan. Areto-sarreran, ez beti, merch-a: bi kamiseta sinple baino ez, zuria eta beltza, orain likidazioan gainera. Haien lekuan aspaldi hasiko ziren batzuk umeen body-ak, tazak, jertseak eta abarrak egiten, eta musikaren irudia bideo bihurtzen. Edo azken kontzertua dela esan, foku guztiak hamaika hilabetez bereganatu, sold out-ak saldoka egin. Willisen formetan kabitzen ez diren erabakiak, alegia.
Dena idaztekoa omen da... Bada, Willisek idatzi du zeozer euskal musikan. Hemeretzi urteko ibilian bederatzi disko kaleratu dituzte baionarrek. Bi urteko epean lehen biak, eta, gailurra jotzeko, A ala B kateatu zuten urtebetera, disko demasa. Aurretik ere eginak zituzten kantu tumatxak, Intxaurrondoko publikoaren estimukoak, Noiz da gero? edota zenbait kuadrillaren ereserki Ur gainean. Gero, Anai kanturako Karlos Osinaga Txap gonbidatzeak eragiten duen emozioa... Jendea jauzika jartzeko ez da motibo gehiagorik behar. “Eman dena, azken kantuak dira, gero ez damutu”, esan zuen Xan baxujoleak. Egin zion kasu jendeak. Mugikorrak, gaurko egunerako, apenas ikusi ziren aretoan.
“Aberatsa izan nahi nuen / baina ez naiz izango”, zioten bigarren diskoa zabaltzeko kantuan. Aberastasuna dirutan neurtuko bagenu, arrazoi. Bilatu, baina, bestelako formetan. Eta egin topa bizitzaren alde, Intxaurrondon egin genuen bezala, Willisen aurrezkien kontura, txupito bana hartuta.
Lohi Ensemble
Non: Montehermoso Kulturunean
Noiz: Irailaren 28an
-------------------------------
Igande arrats goibel eta hotz batez izan nuen, lehen aldiz, Lohi Ensembleren berri. Arabako musika eszena autogestionatuaz hitz egiteko Larraitzek jende jator pila bat... [+]
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
