Ukrainako gudaren amaiera?
AEBetako NBC hedabideak azaroaren 3an argitaratu du AEBetako eta Europako ofizialek bake negoziazioen gaiari eutsi diotela Ukrainarekin. Aste berean Time aldizkariak Ukrainako presidentea elkarrizketatu du eta azaletik bertatik iradoki du Zelensky bakarrik geratzen ari dela gudarekin jarraitzeko asmoan. Aldi berean, Economist aldizkariak Zaluzny jeneral ukrainarra elkarrizketatu du eta honek adierazi du guda “ez atzera ez aurrera” dagoela. Guda amaierara heltzen ari da? Errusiak irabazi du?
ARGIAren irakurleek behin baino gehiagotan irakurri izan dituzte nazioarteko gaiak jarraitzen dituen Moon of Alabama blogeko analisien erreferentziak. Ukrainako gudari dagokionez, The Ukraine Peace Talk Trial Balloon artikuluan –Ukrainako bake elkarrizketen zunda-globoa– jaso du azken egunotan AEBetako administrazioak bateko eta besteko hedabideetan argitaratu dituen informazioak. Blogaren egilearen ustez “zunda-globoa” izan litezke informazioak, ikusteko ea nola erreakzionatuko lukeen AEBetako iritzi publikoak AEBek eta NATOk Ukrainan guda galdu dutela jakitearen aurrean.
NBC hedabidearen informazioetara itzulita, ondorengoa dio: “Ukrainako agintariekin izandako elkarrizketetan atera da zer behar luketen Errusiarekin adostasun batera heltzeko. Elkarrizketa hauek –ofizialek delikatu gisa definitu dituztenak– duela hilabete gertatu ziren Ukraina babesten duten 50 herrialdetako ordezkariekin, NATOko kideak barne. Ukrainaren Defentsarako Harreman Taldea du izena taldeak".
AEB eta Europako agintariek ikusten zuten guda ez atzera ez aurrera geratu dela eta Ukrainari laguntza militarra emateko gaitasunak kezkatuta abiatu zituzten elkarrizketak. Bidenen administrazioko ofizialak, horrez gain, kezkatuta daude Ukrainaren indar militarra ahitzen ari ote den, Errusiak amaierarik gabeko hornidura duen bitartean. "Ukraina, aldi berean, jende gehiago errekrutatzeko zailtasunak izaten ari da eta Volodymyr Zelensky presidenteak errekrutatze mugagaberako baldintzak malgutzearen harira protestak izan dira”, jaso du NBCk.
Zelenskyk Time aldizkarian egindako elkarrizketan dio guda ez dagoela “ez atzera ez aurrera” eta ez duela Errusiarekin ezertaz negoziatzeko asmorik.
NBCn diote Biden kezkaturik dagoela Ukrainak gudara bidaliko dituen pertsona kopuruarekin. “AEB eta bere aliatuek armak bidal ditzakete Ukrainara, baina ez badute horiek erabiltzeko jende kualifikatua, ez du onik egiten”, dio egunkariaren iturri militar batek.
Zaila da kalkulatzea zenbat hildako izan dituen Ukrainako armadak, baina Moon of Alabaman kalkulatu dituzte 300.000 hildako eta 500.000 zauritu inguru, horietako asko elbarri bizi osorako. Aldi berean, Gazan guda hasi izanak nazioarteko arretagunea erabat mugitu du Ekialde Hurbilera, eta Zelenskyk berak publikoki adierazi izan du zailtasunak dituztela Ukraina agendan mantentzeko.
Honela amaitzen da Moon of Alabamaren analisia:
“Errusiak bake elkarrizketak onartuko lituzke. Hori bai, Ukrainari eskatuko lioke emateko prest dagoena baino gehiago. Gutxienez, anexionatu dituen bost oblasten [eremu edo zonalde] erabateko kontrola, Krimea barne, eta Ukrainak NATOrekin ez harremanik izatea. Ukrainako egungo legebiltzarrak eskaera horiek atzera botako ditu eta horrek ekarriko du Errusiak oraindik eta baldintza gehiago jartzea. Kiev-ek ez du errealitatea onartu oraindik. Ukrainako estatua odolusten ari da –finantza aldetik eta fisikoki–. Guda bultzatu zutenen hasierako helburuek –Errusia ahultzea– aurkakoa ekarri dute. Errusia orain handiagoa da eta militarki hobeto armatua dago, guda errealean esperientzia handiagoarekin bere aurkari posible guztiak baino. Errusiak irabazi du”.
AEBetako presidentea Zelenskirekin eta Europako haren aliatuekin bildu da astelehenean, Etxe Zurian. Badirudi Trumpek ontzat jo duela Vladimir Putinek ostiralean izandako bileran proposatutakoa: Ukrainako gerra amaitzeko Kiev "lurralde truke posibleez" hitz egiteko gai... [+]
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat... [+]
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]