Tripako mina izateraino
Hemen ez du inork ordaintzen
Autorea: Dario Fo.
Itzulpena: Josemari Velez de Mendizabal.
Zuzendaria: Vene Herrero.
Aktoreak: Maider Alcelay, Itziar Rosado, Xabi Latorre, Garbiñe Nuñez, Arantza Ezkurra, Mariasun Pagoaga, Itsaso Nuin, Asier Alonso.
Konpainia: DOKE antzerki taldea
Noiz: Urriaren 8an.
Non: Aretxabaletako Zaraia aretoan.
------------------------------------------------
Txakurren jana bazkaltzeak eragin dezake, goseak edo emanaldiaren hasieratik amaierara bitarteko barre algarek: tripako mina.
Dario Fo: aktore eta dramaturgo italiarra, bere lan politikoengatik ezaguna, gai serioak satiraz, umorez eta modu nahikoa esplizituan adierazteko abilezia duena. Arte eszenikoak maite dituen ororentzat opari bat da Hemen ez du inork ordaintzen bezalako obra bat ikustea gaur egun, eta euskaraz, gainera. 1974an argitaratutako lana da, berez, gaurkotasun handia duena. Krisi ekonomiko batean kokatzen du istorioa. Prezioak gora egiten ari dira etengabe, soldatak jaitsi eta kaleratzeak gertatzen. Antoniak, auzoko gainerako emakumeekin batera, jakiak lapurtuko ditu supermerkatuan, zalaparta eraginda. Bere lagun Margaritari kontatuko dio gertatutakoa, baita elikagaiak eskaini ere. Bi horiek haurdunaldi goiztiarra dutela asmatzen hasiko dira Poliziaren aurrean, baita haien senarren aurrean ere, eta gezurra handitzen joango da, gehiegikeriara eta absurdora iritsi nahian. Juanek, Antoniaren bikotekideak, nahiago du gosea pasa janaria lapurtzea baino, langilearen sakrifizioaren eta betebeharraren izenean. Dena hasiko da korapilatzen, Polizia baitute atez ate etxeak miatzen. Barreek gezurren tamaina hartuko dute.
Kontrastea dakarten pertsonaiak ditugu, ongi finkatutakoak, dramari hamaika zertzelada emateraino, pertsonaien garapen interesgarriago baterantz eta ikusleari hurbilagoa den zerbait erakutsi nahian, istorioaren parte eginez: suminduta dagoen emakumea, beldurrez baina berdina egiten duen laguna, ezkertiar kontsideratzen den senarra, soldata igotzeko borrokan dagoen laguna, polizia enpatikoa eta guardia zibila.
Lanak helburu argia dauka: kapitalismoa seinalatzea eta publikoa langile klasearen botereaz jabetzea, subjektu horrekin identifikatzea. Langabezia eta inflazioa aitzakia hartuta matxinada aipatzea, kontrola bereganatzeko beharra, alderdi politikoek eta sindikatuek kaka-zahar guztia kudeatzen saiatzen ari diren bitartean, lasaitasuna eta ordena hori mantentzen. Emakumeen ahotsetik hitz egiten du, gainera, haiek baitira, orokorrean, erosketak egiten dituztenak eta hortaz, prezioen igoerak lehen lerrotik ezagutzen dituztenak. Haiek dira protagonistak eta borroka abiatzen dutenak, proletalgoaren mesedetan. Honi dagokionez, izenburua ezin-hobea da, “inork” dioenean “denok” esan nahi duelako. Eszenan azaltzen ez diren arren auzoko emakume guztiak aipatzen dituelako, senarrekin hitz egiten amaitzen dutelako gero, ugazaben esplotazioaren eta kapitalismoaren pare kokatzen duelako proletalgoa osorik. Guztiak ari dira Poliziaren eta aurreiritzien aurrean gezurretan. Horrek ematen dio Dario Foren obrari zentzua: ez dela soilik kontakizunean gelditzen eta erabaki artistiko orok baduela oinarri politiko eta sozial bat. Obra arina, dibertigarria, sakona eta esanguratsua da aldi berean.
Antzezlana ikusteko aukerarik ez baduzu, gidoia irakurtzea gomendatzen dizuet.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]