Bidegi

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Trantsizio garaian Nafarroa Euskadi da eztarria urratu arte oihukatu genuenok beti begiratu izan diogu begi-zeharka, baina atentzio bereziz, “Komunitatean” gertatzen denari –hala esaten dugu batzuetan; beste batzuetan “Baskongadetan”, are “EAE”n ere, izendatzeko manera horrek estaliko balu bezala gure proiektu nazionalaren porrot historikoa, edo itxaronaldi eternoa, nahiago baduzue–.

Bere garaian, gure eztarriek eskertuko zuketen inoiz zer ginen edo zer izan nahi genuen galdetu izan baligute, gure okerraren tamaina zenbakietan neurtu ahal izateko baino ez bazen ere. Gaur egun, aritmetika horiek ez gaituzte hainbeste arduratzen, kopuru edo ehuneko baten gorabeherak ez duelako gauza handirik aldatuko gure ohiko babesgabetasun metafisikoa. Izan ere, zer gara gu? Nafarrak, noski, baina Nafarroa itsasorako aterabiderik gabeko zulo bat da –esateko modu bat da–, eta ez zaigu aski; euskaldunak, ozta-ozta, euskaraduna izatea gero eta gutxiago delako euskalduna izateko bermea, eta bestela galdetu ETBkoei eta enparauei; Euskadikoak ez, jakina. Euskal Herrikoak? Askorentzat nekez, haientzat Euskal Herria Euskadiren sinonimoa baita. Euskadi-nahiak, igual? Baina nork nahi du gabezia edo hutsune batek definitua izatea?

Nafar gaiztoak gara, gainera. Errazago egiten ditugu lagunak Mutrikun edo Apatamonasterion Fustiñanan baino. Izan ere, non dago Fustiñana? Fustiñana existitzen denik ere ez genuke sinetsiko, lau urtean behin hauteskundeak egingo ez balira. Halakorik egiten dugun bakanetan, Aragoi ibaia hegorantz zeharkatzea Mississipi bera zeharkatzea baino gogorragoa egiten zaigu, eta aldiz, maite dugu maite Lizarrustitik beherako pagadia, hain gureak bezalakoa…

Bidegi kasuaren ibilbide judiziala ezaguna da, erreakzioak ere bai. Barkatu esatea, baina… A zer espektakulu botxornosua, anai-arreba baskongadook!

Gure deserrotze eta nortasunaren lausotze horrek, beraz, Euskadira begira jartzen gaitu usu, eta han gertatzen dena kasik gurean gertatuko balitz bezala bizi ohi dugu, ez bakarrik nostalgiaz, baizik eta Osakidetzak osasun zentroak ixten baditu –demagun–, norbera Osasunbideak emango duen hurrengo pausoaren gainean parioak egiten hasten ahal delako.

Hortaz, ez da batere harritzekoa Bidegi auzia interesez segitu izana. Kasuaren ibilbide judiziala ezaguna da, erreakzioak ere bai. Barkatu esatea, baina… A zer espektakulu botxornosua, anai-arreba baskongadook! Igogailuan puzker isil baten usaina aditzen dela esatea motz gelditzen da. Epaileak agindu largespena jendea tontotzat hartzetik gora dago. Hori jendeari kaka egitea da, burutik behera.

Enfin. Mendebaldetik sentimendua elkarrekikoa dela erantzungo didate, ausaz, baina itsasorik gabeko nafartasun kamuts, txistorrizatu eta afrus bat arrastaka eramateko kondena tokatu bazait ere, ez dut Euskadi horretakoa izan nahi.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2024-07-17 | Gorka Menendez
Zenbateraino izan behar dira txikiak nekazari txikiak?

Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]


Euskaldunak

Eusko Jaurlaritza berriko bozeramaile Maria Ubarretxenak lehenengo elkarrizketa Euskadi Irratiari eman zion. Solasaldian asmoez jardun zuen, kontu orokorrak adierazi zituen, ezinbestean, gobernua martxan jarri berri zegoelako. Adeitsua izan zen tonua kazetari eta eledunaren... [+]


2024-07-17 | Iñaki Barcena
Ekofaxismoa al datorkigu?

Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]


Defendatu behar duguna

Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]


2024-07-17 | David Bou
Agur esaten ikastea

Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]


Teknologia
Euskalgintza digital kritikoa

Euskara, eremu digitala den itsasoan ezagutzara eta harremanetara abiatzeko portua da. Adimen artifizialarekin, portu horretatik mundu osoarekin euskaraz harremanetan jartzeko aukera ematen dela dirudi. Euskararen automatizazioa laguntza ederra da belaunaldi berriekin euskal... [+]


2024-07-17 | Ula Iruretagoiena
Lurraldea eta arkitektura
Hemengoa

Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]


Materialismo histerikoa
Txatarra

Usainak keinuren bat eskatzen zuen, baina berak egin ez zuenez (ezin zitekeenez beste usainik espero), besteok ere ez. “Ez, ez, ez daude denak. Bizirik dirautenen atalik ez dago, ez dut inor bizirik utzi, adibidez, ezpainik gabe (ikusi dituzue? Horiek perfektuak iruditzen... [+]


Eguneraketa berriak daude