Esna-aldiaren mezu ezkutuak
aurre egingo dieten hedabide independenteak
Jainkoa agertu da eszenatokian. Aurpegi luzea du eta ahots sakonarekin bota ditu hainbat ohartarazpen. Ez dirudi txantxetan dagoenik. Ohartarazpenak bai, baina ikusi behar dugunaren azalpen handirik ez, bukatzean galderak egingo dituenaren mehatxua bota duen arren. Baina azalpenak ez dira beharrezkoak izan, egia esan, Tripak konpainiaren Platea obraz gozatu ahal izateko. Esna-aldian zehar egotearen sentsazioa izango dugu obrak iraun bitartean. Batzuetan ametsetan, besteetan erne. Amets gaiztoentzako lekua ere izango da, noski. Tripak konpainia osatzen duten nesken eskutik subkontzientera bidaiatu eta, ametsen laguntzarekin, mezu ezkutuak deskodetzen saiatuko gara.
Jainkoaren baimenarekin batera irtengo dira eszenatokira gainerako antzezleak, amets honen protagonistak. Atrezzoa minimoa izango da. Hilobi itxura duen mahai bat, oihal bat eszenatokiaren atzekaldean eta adarrak zorutik nonahi. Hiru aktoreen, eta Jainkoaren, nondik norakoei laguntzeko bibolinjole bat egongo da eszenatokiaren albo batean. Disposizio honekin emango zaio hasiera oturuntzari, zeinetan aktoreen arteko botere harremanen lekuko izango garen, beti ere Jainkoaren non-nahiko begirada zelatari eta epailearen pean.
Esna-aldia bi munduren arteko trantsizioa da. Obra hau ere hori bera izango da, bizitzaren eta heriotzaren tarteko bidea. Linbo honetan gure pentsamendu ilunak, beldurrak, neurak eta obsesioak, gure bekatuak izango ditugu aurrez aurre. Gure desioak ere izango ditugu parean, isildutako amets eta anbizioek talka egingo dute gure adimena gobernatzen duen beldurrarekin, energía boteretus ete erreakzionari horrekin. Jainkoak kontzientziaren epaile papera beteko du, zeinaren aurka egingo duten aktoreek, bere boterea zalantzan jarriz, euren sinismenak zalantzan jarriko dituzten moduan. Barrenak hustuko dituzte hiru protagonistek. Gai hauek ez dira soilik ikuspuntu dramatiko batetik landuko, umoreari eta absurdoari ere lekua egingo baitzaio.
Sentsazio onirikoa areagotzeko euri jasa ederra jausi da kalean eta ur tanta lodiek gogor jo dute Kult Parnaso kokatuta dagoen lokalaren kontra. Euriaren hotsak eta antzeztokian gertatzen ari zenak nahasketa ederra egin dute, kanpokoa barrukoaren soinu banda hautatua izango balitz bezala. Horrekin esnatu gara, eta horrekin eman zaio bukaera antzezlanari, ametsaldiari. Ondo edo “ez hain ondo” lo egin izanaren sentsazioarekin aterako gara kalera eta, edozein esna-aldirekin bezala, kostako zaigu ametsa eta errealitatea bereiztea, behintzat guztiz esnatu arte.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]