Ahanzturatik gogoetara
HONDAMENDIAN
Konpainiak: Artedrama & Axut. Idazlea: Harkaitz Cano. Zuzendaria: Ximun Fuchs. Aktoreak: Ander Lipus, Ane Sagüés, Ruth Guimerá, Jon Ander Urresti, Maialen Belaustegi, Maite Larburu, Manex Fuchs eta Eneko Gili. Eguna: otsailak 17. Lekua: Elorrioko Arriola antzokia. Hurrengo emanaldiak: Martxoaren 17an Galdakaon, 18an Bergaran, 25ean Ataunen, 26an Pasaian, 30ean Tarbesen, apirilaren 4an Durangon eta 15ean Aulestin, besteak beste.
2020ko otsailean Zaldibarko zabortegian gertatutako luiziaren ondorioz Alberto Sololuze eta Joaquin Beltran langileak desagertu ziren, eta izugarrizko hondamendia eta nahasmena sortu zen Euskal Herrian. Hilabeteren ostean, Txinatik omen zetorren birus ezezagun batek osasun sistema kolapsatu eta guztiok etxean atxiki gintuen. Artedrama eta Axut konpainiaren azken lanak garai ilun hauek ekarri ditu taula gainera.
Antzokira sartutakoan kolore grisa eta nahasmena nagusi, eszenatokia bera ere txiki utzi duten ikus-entzunezkoen indarra nabari da ikuskizuna hasi orduko ere. Bizi eta adi segitu dut narrazioa hasieratik bukaeraraino, aktoreen rol aldaketak gertutik jarraitu eta eszenografiako elementu guztiak kokatzeko. Sarritan norbere azalean kazetariaren ezintasuna, desagertutako familiaren etsipena eta arduradunen noraeza eta axolagabekeria sentitzen da. Berezia oso ospitaleko gaixoa eta langilearen artean sortutako istorioa: langile txiletarrak Atakamako basamortua arropa zabortegi bihurtzen ari garela gogorarazi digu bere sorterriko istorioa taula gainera ekarrita, eta horrekin ulertu dugu Zaldibarkoa irudikatzeko eszenatokia arropaz bete izana. Bikaina une horretan bertan ere, izarren proiekzioa, basamortura bidaiatzeko aukera eskaini digu.
Egoerak eskatzen duen neurriko kritika politiko eta sozial ederra, umorea presente izan duen kontakizun bizi bati eskutik helduta. Aktoreak trebe, eszenatokiaren jabe eta publikotik gertu, oso gertu. Axut eta Artedramaren azken lanetan ikusi dugun gisara. Oraingo honetan, baina, nabarmen landu dute ikus-entzunezkoen indarra. Eszenatokiko hiru paretetatik kanpo ere islatutako zenbaki eta datuek guztion ahanzturan lagatako garaiko informazio gaindosia eta ziurgabetasuna berpizteraino.
Bukaera moduan hasierako eszena berriro parez pare; publikoaren begiak ordea zorrotz, eta barruak mugituta. Hain gertu daukagun sasoi ilun hura pasatu dela uste arren, hondamendiak arrastoa laga du, eta beharrezkoak dira gogoeta edo eztabaidarako gisa honetako abaguneak.
Aktoreek azken ekoizpen honetako beste protagonista batekin agurtu gaituzte. Izan ere kantua eraman dute antzokiko ateraino, borobil. Izeba eta biok izan gara bertan, eta bukaeran besotik tira egin behar izan diot atetik irteteko. "Argiak itzali arte geratuko nintzateke beraiek entzuten" aitortu dit irribarretsu. Isilik egin dugu kotxerako bidea, aspaldiko partez antzokian gozatu izanaren sentsazioarekin.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]