Del Rigodón, bai esan?
James Bond-en gisara sartu dira antzokira Ane Gebara AKA Lola del Rigodón, edo inspektore zahar herrena, eta Josune Vélez de Mendizabal AKA Susana Hotkins ikertzaile hasiberri, eder eta anbiziotsua.
(H)ondoko gela
Nork: Les Bobè Bobé
NON: Zabalganako
Gizarte Etxea (Gasteiz)
Noiz: Urriak 1
Ezaguna egiten zaidan bionbo baten aurrean, etxe bateko gela bat. Erdian, hildako bat. Thriller absurdo gisa aurkeztu dute Les Bobè Bobékoek (H) ondoko gela. Rigodónen esperientzia eta jarrera garratzak dira motibatuegi dagoen Hotkinsen aurrean. Kafe bat, bi, hiru… Olo esnedun ebakia eta hutsa. Konturatzerako, kartoizko edalontziz bete dute hilketaren eszena.
Behaketak, testigantzak, grabaketak. Baina ezer ez. Egunek aurrera egin ahala, ez dago modurik heriotzaren berri izateko. Bikoteak ahal duena egiten du: arreta eta egia dira zaharrenaren tresna baliotsuenak. Gazteenak, berriz, ITT, OCO eta BTB masterrak egin ditu, susmoa dauka espektroren bat dagoela etxean. Baina ez da inor, eta uko egin beharko die ikasitako teknika berritzaileei. “Heriotza bakoitzak ahaztuko ez duzun irudi bat utziko dizu, Hotkins”, Rigodonek nagusitasunez.
Tarteka argia joaten da. Eta tarteka ere telefonoaren txirrin ozena entzuten da. Ez dago inor telefonoaren beste aldean. Edo bai? Etengabe ari dira txorakeriak egiten: zarata bitxiak ahoarekin, esajeratutako mugimenduak edo txiste txarrak, txorizoekin jolasean... Denok egiten dugu barre, baina baten bat ia lehertzeraino ari da. Baina hau serioa da. Zerbait dabil ondoko gelan eta hildako bat utzi du. Nork edo zerk? Guztiz argi ez zait geratu bele erraldoia edo odolkiak botatzen zituen lanpara moduko txurroa izan den. Iraganeko istorio eta mamuak ekarri dituzte gogora. Tiroketa bat ere bai. Orduan bai argitu kasua.
Esperientzia oso bat izan da Zabalganarainoko lur-puntaraino joatea larunbat iluntzez, baina merezi izan du berriz ere tandemaren lanak, zeina Jason Gerrak zuzendu baitu. Mimoz —eta seguru, barre askoren artean— prestatutako lana da, labetik atera berri dena ia. Ahal dela, joan zaitezte haiek ikustera, edo hobe, eraman itzazue zuen herri eta auzoetara. Gauza serioa da bai, baina batez ere absurdoa.
Neskenegun arratsan Lurdes Iriondo pastorala Sohüta Hokin aurkezturik izan da herritarrei. Herriko gela gainezka zen eta kargudun ezberdinen hitz hartzeen ondotik herritar bakotxak bere izena eman du izan arizale ala laguntzaile izaiteko.
Pantzo Hirigaraik idatzi eta zuzendutako antzezlana da 'Uda leku'. Opor garaiko kanpaldi baten istorioa kontatzen du eta 2024ko martxoan Itsasun egindako emanaldia da honakoa, Kanaldudek bideoz grabatua.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]