ARGIAk jarraipen berezia egingo dio Korrikari

  • Ostegun honetan hasiko da Korrika, euskararen aldeko ekitaldi jendetsua eta ARGIAk egunez egun jarraituko du, euskararen arloan hitzetatik ekintzetara pasatzea erabaki duten hainbat protagonistaren historiak kontatuz, besteak beste.


2022ko martxoaren 30an

Martxoaren 31n Amurrion hasi eta bi astez luzatuko da Korrika, euskararen aldeko ekimen erraldoia, Donostian apirilaren 10ean amaitu arte. Bi mila kilometro baino gehiago guztira. Denbora horretan ARGIAk jarraipen berezia egingo dio lasterketari, herriz herri eta egunez egun.

Leire Artola kazetaria ariko da zeregin horretan, zuzeneko jarraipena egin eta hitzetatik ekintzetara igaro diren protagonisten historiak azalduz. Historia eta protagonista batzuk ezagun egingo zaizkizue, besteak agian ez, baina guzti-guztiek izan dute garrantzia Euskal Herria euskalduntzeko bidean, modu batera edo bestera. Guztiek ekin dute, urratsa eman; euskararen alde egotetik, euskaraz egiteko borroka egin dute.

ARGIAren sare sozialetan zabalduko ditugu irudi ikusgarrienak nahiz momentu aipagarrienak, eta bideo landuak ere egingo ditugu. Hori guztia Argia.eus-eko Korrika 22ren kanalean aukituko duzu. Baita Instagram, Facebook eta Twitterren ere.


Kanal honetatik interesatuko zaizu: Korrika
2024-03-25 | Leire Artola Arin
Burbuilaren ostean badago zer erein

Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]


Inoizko Korrikarik ikusiena izan da

1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.


Ane Elordi: "Batasunaren Korrika izan da"

11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.


Eguneraketa berriak daude