Amiantoaren biktimentzako funtsa eratuko du Espainiako Estatuak
Espainiako Kongresuak aintzat hartu du Eusko Legebiltzarrak 2017. urtean adostutako akordioa. Akordioak funts bat sortzearen beharra adierazten du, 1950etik gaur egunera amiantoarekin harremana edukitzeagatik gaixotu eta hildakoentzako.
Espainiako Kongresuak lege egitasmoa onartu zuen atzo. Legeak Madrilgo ganberako ia alderdi politiko guztien baietza jaso zuen; Vox abstenitu egin zen. Maitane Ipiñazar (EAJ), Eva Blanco (EH Bildu) eta Gloria Sanchez (PSE) euskal legebiltzarkideek azaldu zuten lege egitasmoaren edukia.
Berriak jaso duenez, amiantoak minbizia eragindako langileentzat eta langileak izan ez direnentzat ordain funts bat sortzea du helburu Espainiako Kongresuak. Alderdi politiko batzuen ustetan lege egitasmoak hainbat zuzenketa behar ditu. PPk adibidez, funtsa lortzeko moduan ikusten du arazoa.
Eusko Legebiltzarraren idatziaren arabera, estatuaren diru ekarpenaz gain, enpresek ere jarri beharko dute dirua funtsa elikatzeko. Iñigo Barandiaran EAJko diputatuak adierazi du momentu honetan lege proiektua onartu izana dela garrantzitsuena. Amiantoak sortutako biktimen auzia “justizia sozialaren kontua” dela esan du eta Espainiako Kongresuan zeuden Asviamieko kideei (Euskadiko Amiantoaren Biktimen Elkartea) eskerrak eman dizkie. Belgikak, Herbehereek eta Frantziak pareko konpentsazio funts ereduak garatu dituztela gogorarazi du Barandiaranek.
Hainbat saiakera
AsviamIek ez du 2017an gertatutakoa errepikatzerik nahi: Kongresuak antzeko proposamen bat tramitatzea onartu zuen, aurretik Eusko Legebiltzarrean onartua izan zena, baina 2019ko hauteskundeetara deitu ondoren bertan behera geratu zen.
88.000 pertsona hil dira amiantoak eragindako minbizien ondorioz Europan. 2019an, 30 langile hil ziren Hego Euskal Herrian, baina biktimen elkarteak ohartarazi duenez horiek kasuen %10 baino ez dira.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]