XX. mende hasieran Palma Mallorcakoan historiaurreko zeremonia gune ikusgarria zegoen: Son Oms. 100 eraikin eta egitura inguru zituen: santutegi bat, hiru talayot, 25 metroko tumulu bat, nekropoli bat, labirinto bat… 1960ko hamarkadan dozena bat egitura besterik ez ziren geratzen eta 1971n suntsitu zuten azken arrastoa, 1963an monumentu nazional izendatu arren.

Mallorca turismo gune garrantzitsua bihurtzen ari zen eta aztarnategiaren eremuan Son Sant Joan aireportua eraikitzeari eman zioten lehentasuna.

Hondamendiaren 50. urteurrenean, UNEDeko Domingo C. Hernandez Jimenez historialariak gertatutakoa ekarri du gogora Artyhum aldizkarian argitaratutako artikulu batean.