Pikotxean izeneko bilduma berriari eman dio hasiera Inazio Mujika Iraolak idatzi eta Maite Gurrutxagak ilustraturiko liburu honek. Eta alde horretatik esan behar dugu pozgarria dela bilduma berria plazaratzea, baita aspaldian haur eta gazte literaturatik urrun zeuden idazleak bueltatzea ere –Mujika Iraola eta Anjel Lertxundirenak dira orain arte argitaratutako bi liburuak, bai eta iragarri diren hurrengo biak ere–.
Hans mutila dugu istorio honetako protagonista nagusia; bera eta berarekin dabilen igela. Europako ipar aldetik datorren mutilak motxila erantzi eta sagar bat jateari ekiten dio plazako arkupeetan. Eta plaza horretan jazotakoa dugu liburu honetako kontakizuna, izan ere Hans, ateri denean, plaza erdian hasi baita biolina jotzen; berak musika jo eta igelak saltoak eman.
Apurka jendea inguratzen hasten da Hans eta igelaren ondora, hasieran bakar batzuk, geroago beste batzuk gehiago… harik eta pilatutako jendetza ezin mugitu arte. Eta orduan hasten dira komeriak, alkatea ere tartean, mugitu ezin diren horiek denek plaza husteko, lagun horiek denak handik irteteko.
Deigarria da Mujika Iraolak darabilen hizkera, kontakizunari ematen dion erritmoa eta nola jolasten duen hitzekin: “Igandero dantzara agertzen zen dantzazale aparta, ttuttunero besomotza, bixigu begiak zituen arrantzalea eta beste asko eta askorekin berrogeita seiren bat bai, joan den astean plazako teilatuan umeak egin zituen katua ere kontatuta”. Istorio honen kontakizunean garrantzi handiagoa hartzen baitu, zalantzarik gabe, nola kontatzen den, zer kontatzen den baino. Gertakari sinple hori, plaza bete eta hustu beharra, umoretik, jolasetik, ironiatik eta komentario kritikoetatik ere narratu izan digulako idazleak.
Hans eta igela berehala irakurtzen den istorioa dugu; arina argumentuan, erakargarria idazleak darabilen estiloagatik, entretenigarria istorioaren nondik norakoagatik eta ikusgarria Maite Gurrutxagak ilustrazioen bidez egiten duen jolasagatik. Lastima azken irudiak spoiler bat egitea eta hurrengo orrian testuan ageri dena aurreikustea; baina akats txiki horrek ez du, inola ere, liburu honen interesa gutxitzen.
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia,... [+]
Liburu honetara hurbiltzen denak lehenbizi G. Mabire-ren irudiekin egingo du topo. Komikiaren estiloko irudiak dira, trazu oso zehatzak eta kolore bizikoak, pertsonaiak eta egoerak erraz interpretatzen laguntzen dituztenak. Irudi horiek testuarekin bat datoz: laburra eta zehatza... [+]
Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Igande goiza Tolstoiren ipuin bat irakurtzen pasa genuen, irakurtzen, euskaraz: “Zenbat lur behar du gizon batek?”. Eta Elena Odriozolaren marrazkiak ezagutu ditu Gulliverren abenturetan ikusi zituelako, Ipuinen harian gozatu. Diskotekero jartzen da gero, maiz, eta... [+]
Saria bost eguneko literatura-egonaldian parte hartzeko aukera izango da. Guztira hogei irabazle izango dira, eta ikastetxeak ere sarituko dituzte.
Gure semea irakurtzen hasi zelarik eskolan, bere adineko liburu bila aritu ginen. Horrela agertu zitzaigun etxean frantsesezko Sami et Julie font des crêpes (“Samik eta Juliek matahamiak egiten dituzte”), E. Massonaud eta T. Bontéren lana. Izenburua... [+]
Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur... [+]
Haur eta gazteei zuzenduta euskaraz dagoen literatur azoka bakarra da Ikusi Mikusi, Saran egingo dute eta Euskal Herri osoko 33 eskolatako 1.396 ikaslek, familiek eta arloko profesionalek hartuko dute parte. "Hazi handiak ereiten ditugu haur eta gazte horiengan".
Gookapi.eus euskal ekoizpeneko marrazki bizidunen 1.000 minutu baino gehiago daude eskuragarri. 10 urtetik beherako haurrei zuzenduta dagoen euskarazko lehen plataforma interaktiboa da.
Geure Gelatik emakume idazleen liburu azoka ospatu da asteburuan Azkoitian. Hainbat liburu aurkezpen eta solaserako aukeren artean, haur eta gazte literatura izan dute hizketagai Jasone Osoro eta Alaine Agirre idazleek, Xabier Mendigurenek proposatutako hari muturrei segika.
Diktaduraren aurkako borrokaren eredua, kaiku bat janztea. Biktimen Oroimenezko Zentroan, Meliton Manzanas. Bakearen alde Ukrainari erasorako armak bidali (ez nekien eman, saldu, utzi, zer aditz jarri, bidali, tira, bidali). Eta haurrak: ama, egingo ditugu txisteak? Etxe bat... [+]
Irakurketa literarioak eskoletan duen lekua hobetzeko eta haur eta gazte literaturan bitartekari diren hezitzaileak trebatzeko ikastaroa antolatu du Galtzagorri elkarteak. Heziketa literarioaren gakoez eta irakurzaletasunarekiko grina pizteko formulaz galdetu diogu Galtzagorriko... [+]
Lizardi saria eskuratu zuen iaz Patxi Zubizarretaren lan honek; garai berria du gure arteko lehiaketarik zaharrenak eta aldaketako bat dugu bi urtean behin gazteentzako obra bat sarituko dela eta hurrengoan haurrentzakoa. Zerria gazteei zuzenduriko lana dugu, irakurle... [+]