Bikote harreman atipiko tipikoa
Ez da zuzenekoetarako unerik onena, udaran gertuko eskaintza kulturala topatzea ez baita erraza izan. Hortaz, lagunek gonbidapena egin eta Ikusgarri Antzokian Losers ikusteko hautua egin nuen, aspaldian antzezlan baten aurrean bizitako zirrararen bila. Sarrerak agortuta eta antzokia lepo emanaldia hasi denean.
Telefono konpainia bateko denda batean elkar ezagutzen dute Sara (Aitziber Garmendia) eta Imanol (Jon Plazaola) dendariek. Elkarrizketa deseroso hasi arren, bukaerarako bien artean zer edo zer badagoela sumatzen dute protagonistek. Ustez barneratuta duten galtzaile izate horretatik kanpo kokatuko dituena biak. Izan ere, 40 urteak beteta eta oraindik lan egonkorrik gabe, iraganeko bikote harremanean trabatuta eta ume barik daude Sara eta Imanol loser edo galtzaileak.
Esperotako komedia erromantikoa izan da taula gainean aurkitutakoa. Eguneroko topikoen salaketa egiteko ahaleginean labur gelditu dena. Sare sozialak eta bertako itxurakeria hartu ditu hizpide ikuskizunaren zatirik handienak. Nire ustez, gaur egungo harremanen eraikuntzaren kritika epela, sakontasun larregirik bakoa.
Losers
Zuzendaria: Begoña Bilbao.
Aktoreak: Aitziber Garmendia eta Jon Plazaola.
Jantziak: Kristina Martinez.
Eszenografia: Asier Sancho.
Argi diseinua: Julen Zaballa.
Teknikariak: Alfredo Medina eta Javier Guerra.
Puntako bi aktoreen lanak umore errazenarekin ere publikoa algaraka ipini du. Nik neuk ere musukoaren azpian pare bat aldiz irribarre egin dut, aitortu beharra daukat. Umorea izan da antzezlanaren haria jarraitzeko tresna nagusia eta hori ondo baino hobeto kudeatzen dute Garmendiak eta Plazaolak.
Ni gustura atera naiz sarrerak agortuta kartela eseki duen emanalditik, kultur egarria duen herri baten irudiarekin, baina gorputzak oraindik ere gehiago eskatzen dit.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]