Orain arte ez zegoen jakiterik gizakiak xehetasun handiz irudikatzen dituzten artelan horiek noizkoak ziren, margoetan ez zelako ikatzik edo datatzeko moduko beste substantzia organikorik erabili. Berriak zirela eta aborigenek ez zituztela margotu ere esan izan du zenbaitek.

Baina Wollongong Unibertsitateko Geokronologiako aditu Richard Robertsek pentsatu zuen pinturen hormetako liztor habietan egon zitekeela erantzuna. Berriki, liztor habia fosilizatuetan gordetako ikatz arrastoak datatzea lortu dute eta emaitza harrigarria izan da, margolanak pentsatu baino zaharragoak direlako: 12.000 urte dituzte.