Historiaurreko grabatu “paregabeak” aurkitu dituzte Lekeitioko Armintza koban
Bizkaiko Aldundiaren esanetan duela 14.000 urteko grabatu multzoak "kalitate tekniko argia" du eta berezia da irudiak "oso argi" ikusten direlako.
Lekeitiko Armintza koban dozenaka irudi aurkitu ditu ADES espeleologia taldeak eta Kortezubiko Agiri arkeologia elkarteak, Bizkaiko Aldundiaren laguntzaz. Ostegun goizean egindako prentsaurrekoan Aldundiak aurkikuntzaren xehetasunak eman ditu Unai Rementeria diputatu nagusiaren eta Cesar González arkeologia katedradunaren eskutik.
Animaliak dira gehien ikus daitezkeen grabatuak, tartean dimentsio handiko bisonte eta zaldi bana, ahuntzen familiako 5 animalia eta baita Kantaurialdeko labarretako irudietan arraroagoak diren felinoak ere. Irudi gehienak panel nagusi batean azaldu dira, seguruenik egungo gizakiek deskubritu gabe genuen barrunbe batean, eta ondorioz ez dute baztertu irudiak egin zituzten jendeen inguruko datu gehiago aurkitzea ondorengo indusketetan.
Azaldu dutenez, Madelein aldiko ikur abstraktuak ere badaude labarretan, Okzitaniako Pirinio inguruan aurkitu direnen oso antzekoak, eta ondorioztatu dute garai hartako komunitateen artean harremana egon zitekeela.
Lehenengo ikerketen arabera duela 14.000 urtekoak dira grabatuak, Santimamiñeko pinturen eta berrikitan aurkitu diren Atxurrako grabatuen garai beretsukoak. Kobako sarreratik 50 metro eskasera daude horietako gehienak.
Lehenago ere Lekeition aurkitu izan dira labarretako irudiak Lumentzako koban, kasu hartan ordea margolanak ziren eta jadanik ikerturik zegoen toki batean azaldu ziren.
Willendorf (Austria), 1908. Wachau bailarako aztarnategi batean, Josef Szombathy arkeologoak emakumezko baten estatua antropomorfo txiki bat aurkitu zuen, 11 cm ingurukoa, harrian zizelkatua eta okre gorriz tindatua.
Orduz geroztik, Paleolitoko venusik ezagunena da, eta... [+]
Jesus Altuna Berastegiarra dugu. Txori arkaitz eta belar, betidanik izan ditu lagun Gaur, "Aranzadi" elkartean sarturik dago, Paleontologi saillaren buru bezala... [+]
Landarbason, duela 28.000 urte, bisonteak ehizatzen ziren. Cromagnonak ziren Gipuzkoako lurralde honetan egokitu zirenak. Ikerlariek diotenez, baldintza oso gogorrei aurre egin behar izan zieten hemengo bizidunek. Babesa Aitzpitarteko kobetan aurkitu zuten. Hainbat... [+]
Donostiako San Telmo museoan sartu eta, hirugarren pisuan, hezur, liburu eta artxiboz beterikako laboratorio baten barruan aurkitu dugu... [+]
1891n nekazari batek Gwion estiloko hainbat labar pintura aurkitu zituen Kimberlyn (Australia).
Font Major kobazuloa (Tarragona, Katalunia) 1853an aurkitu zuten eta urte asko dira bertan arkeologoak lanean ari direla.
Izturitze duela 21.000-29.000 urte. Gravettiar aroan Izturitzeko kobazuloan bizi ziren gizakiek suharrizko tresna asko utzi zituzten.
Deba (Gipuzkoa), 1969ko ekainaren 1a. Zestoako mugan, Izarraitzen magalean, kobazulo baten sarrera aurkitu zuten Rafael Rezabal eta Andoni Albizurik.
El Nefud basamortuan (Saudi Arabia) , Al Wusta izeneko aztarnategian, Homo Sapiens espeziearen hatz fosilizatu bat aurkitu dute eta, uranio serieen bidez, Max Planck Giza Historiaren Zientzia Institutuak 88.000 urtetan datatu du.
