ARGIA.eus

Itzulpen automatikoa / Machine translation

Hegan egiteko, Lumi

  • Lumik eman digu neguko haize eta hotzari aurre egiteko aukera. Itzal zikinak lan berria aurkezten aritu dira Orbeleko lagunekin, aretoa erdi bete erdi hutsik zutela. Bertaratu ez direnen kalterako. Zoragarria izan da.

Argazkia: Xalba Ramirez
Argazkia: Xalba Ramirez

2020ko otsailaren 02an

Nahia Zubeldia proiektu askotan ikusia dugu, eta 2016an Manu Matthysekin batera Lumiren lehen EPa kaleratu zuen. Zubeldiaren kantetan oinarriturik egindako pop atmosferiko ederretik jauzi itzela egin eta estilo propioa sortu dute azken lanean: sintetizagailu modularrak oinarri eta ahots efektuak eta gitarrak gehituz. Lumi orain unibertsoa da.

Bikoteak aztitik ere badu. Sorginkeria bezala harrapatzen zaituzte Zubeldiaren ahots ederrak eta Matthysen sintetizagailuen munduak. Ahotsa grabatu eta loopeatu ere egiten dute, efektuak gehituz, eta miraria lortzen dute: Zubeldiaren ahotsa biderkatzea.

Modularren mundua ezagutzen ez duenarentzat, uhinak manipulatuz, biderkatuz eta efektuak gehituz sortzen den sintetizagailua da, moduluak gehitu egiten dira eta aurrez konexiorik ez dagoenez, musikariak berak egin behar ditu. Honek musika elektronikoari leporatzen zaion “faltsutasuna” apurtzen du. Izan ere, nota bakoitza momentuan erregulatu behar da. Eta jakina da: “Ez zara inoiz bi aldiz ibai berean bainatzen”.

Hurrengo emanaldiak:
Otsailak 1 Donostia, Añorga.
Martxoak 13 Azpeitia, Arkupehotsak.
Apirilak 14 Basauri, Maz.

Bidaia egitea erraza da beraz, soinu eta arpegio mundu oso bat irekitzen baita, intimitatetik trantzera igaroz. Errepertorio motzean estilo eta paisaia ugaritik pasa da bikotea, baina haria galdu gabe. Une oro hegan egiteko bitartekoak eskainiz ikusleari.

Sekuentzia elektronikoetan gehiegi harrapatuta geratzeko arriskuak Lumiren letra zoragarrietan arreta ez jartzera eraman zaitzake. Eta merezi dute: “Egunez baztertuak ateratzen dira. Mainguak, itsuak, zaurituak, estatua perfektuen itzal zikinak”. Orratz begietatik sartzen ez den munduari egiten diote kantu.

Biriatuko mugak murru kulturala dirudi, 50 kilometroko distantzia atzerria balitz bezala. Kataluniatik antzeko formatuak bilatzen dituzten artistek onarpen eta zirrara handiagoa lortzen dutela iruditzen zait. Harribitxia da Ipar Euskal Herriko eszena. Eta zaintzea komeni.

PD: Orbelekoek gitarra eta sintetizagailuen bidez anbientez jositako itzelezko kontzertua eman zuten. Murgiltzeko eta bidaiatzeko beste unibertso eder bat.

Argazkia: Xalba Ramirez

 


Kanal honetatik interesatuko zaizu: Kontzertuak
Zuzeneko kronika
Behin baziren baionar batzuk...

Willis Drummonden agur besta

Non: Intxaurrondoko kultur etxean, Donostian

Noiz: Urtarrilaren 5ean

Gonbidatuak: Zetkin, Elvis Caino DJ, Indezen DJ eta Zumitrenko DJ.

------------------------------------------------

... esango dugu noizbait. Joan ikustera, baina... [+]


2024-01-02 | ARGIA
80 pertsonak dastatu zuten Bermu Okerra

Arabako Mendialde eta inguruetako identitate disidenteek osatzen duten Asteriskes kolektiboak Bermu Okerra musika jaialdia antolatu zuen abenduaren 28rako. Araba eta Nafarroa arteko mugan kokatuta dagoen Kontrasta herrian egin zuten, eguerdian. Antolatzaileek azaldu dutenez,... [+]


2023-12-19 | ARGIA
Abenduaren 28an identitate disidenteek antolatutako Bermú Okerra musika jaialdia Kontrastako tabernan

Arabako Mendialde eta inguruetako identitate disidenteek osatzen duten Asteriskes kolektiboak antolatu du Bermu Okerra musika jaialdia abenduaren 28rako. Araba eta Nafarroa arteko mugan kokatuta dagoen Kontrasta herrian egingo dute jaialdia, eguerdian.


2023-12-18 | Ahotsa.info
Hatortxurock 28, amaiera berri bat

 Hatortxurock elkartasun jaialdiaren 28. edizioa ospatu da gaur Atarrabian. Euskal errepresaliatu guztiak etxeratzeko helburua duen musika festibalak milaka lagun bildu ditu berriz ere. Jaialdia aurrera eramateko, boluntarioen lana ezinbestekoa izan da. Sarrera guztiak... [+]


Eguneraketa berriak daude