Müsikaren Egüna, azken bat bideko
Urtero Müsikaren Egünera noa programazioari behakorik eman gabe, eta aldi guziz egitarauaren aberastasunak harriturik uzten nau. Aurtengoa azken edizioa izanki, Urdiñarbera bihotzeko zimiko ttipi batekin joan nintzen, martxa baten azken noten entzutera.
Lyongo (Frantzia) Chromb taldearen azken kantua entzun eta ber hiriko Poil (euskaraz ilea) hirukotea oholtzara igo da. Bateriak, baxuak eta teklatuak osatzen dute math rock indartsua ardatz duen taldea. Orain arte lurrean pausatuak ziren ipurdiak fite altxatu dira eta lehen buruak astintzen hasi dira, erritmoak ez badira ere segitzeko errazak.
Groove ikaragarri batekin, bateria eta baxuak esaldi luze eta korapilatsuak errepikatzen dituzte teklatu-jotzaileari jolasteko eremu zabal eta sendoa eskainiz. Azken horrek, gehienbat soinu monofonikoen bidez, inprobisazio luzeak egin ditu, baxuaren zuzentasunarekin kontrastea eginez. Bateria bien artean da, beti hari baten gainean, sekula erori gabe. Free jazz eta rock progresiboaren bidegurutzean, hirukoteak eszena gainean plazera hartzen duela argi da, nahiz eta bakoitzak kontzentrazio handia atxiki saio osoan.
Taldeak Sus izeneko bere azken lana aurkeztu digu kantu guziak diskoaren ordenan joz. Kantuak Okzitaniako poesiatik inspiratzen direnez, hiru taldekideek okzitanieraz kantatu dute, hiru bozetan. Jadanik berezia den musikari polifoniak gehituta, giro mistikoak sortu dituzte. Trantzean sartu gaituzte.
Soinu landua dute denek. Teklatu-jotzaileak bi Midi teklatu darabiltza, delay efektuekin. Gitarra baten gisara, frekuentzia gorenen bila dabil baxuari lekua uzteko. Bateria nahiko minimalista da, bi tinbalekin, eta zinbalek kolore beroa dakarte, dirdira soberakinik gabe. Baxuak aldiz, distortsio naturalari esker, soinu gizen baina zehatza eskaini digu.
Publikoko anitz loriatu bagara ere, Poilen musika ez da hain entzunerraza. Horien ondotik eszena hartu duen A-Wa taldea entzuteko lekua betetzen ikusteak baieztatu dit. Baina Müsikaren Egünaren indarra betidanik hori izan da: asteburu batez musikazaleak eta bestazaleak batzea.
Poil taldeak kolektibo aberats eta hiperaktibo baten ezagutza ahalbidetu dit: Lyongo Dur et Doux labela. Hemeretzi taldek osatzen dute, eta horien artean talde bereziak ere atzeman daitezke, besteak beste Piniol, Poil eta Ni taldeen arteko topaketak eman duen proiektua. Bi baxuk, bi gitarrek, bi bateriak eta teklatuak osatzen dute zazpikotea. Musika tekniko eta indartsua gustatzen bazaizue, ez duda!
Ixo eta bizi!
Gailu
Bidehuts, 2025
------------------------------------------------------------------------------------------------------
Aresti hilda dago. Eta bere oinordekotza baita ere. Gailuk argi du: “Harrizko herri zena / negar herri bihurtu da eta, / hala, iduri... [+]
Rodeo eta Dena
Non: Bilboko Kafe Antzokian
Noiz: irailaren 18an
--------------------------------------------
Bilbo, sargoria, udako azken ostegunez. Bihotz Sakratuaren plaza bete dute Palestinaren aldeko oihuek, enegarrenez. Kilometro pare bat harago, Mariaren... [+]
Euskal Herriko zazpi lurraldeetan barna, hamabost egunez segidan hamabost kontzertu antolatu ditu Musika Zuzenean proiektuak, 15 urte betetzen dituztelako. Areto txiki, taberna eta espazio autogestionatuetan izango dira. Anari, Niña Coyote eta Chico Tornado, Ezpalak eta... [+]
Kursaal Eszena
Non: Donostiako Kursaal Jauregian
Noiz: 2025eko urri eta abendu artean
----------------------------------------------------------------------------------
Uda azkar pasatu zaigu, oraindik buruan ditugu Musika Hamabostaldian gozatu ditugun kontzertu zoragarrien... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
Aldundiak aurtengo Gipuzkoako Urrezko Domina emango dio abenduan Lourdes Iriondo Mujikari (Donostia, 1937-Urnieta, 2005) bere heriotzaren 20. urteurrenean. Aintzatespen horrekin, euskaren biziberritzean eta euskal kulturaren suspertzean Iriondok egindako “lan mamitsu eta... [+]
Etxea
Nhil
Autoekoizpena, 2025
------------------------------------------------------------
Etxea du izena Nhil taldearen hirugarren diskoak. Taldekideek azaldu dutenez, “etxea” baita taldea haientzat, eta entzulearentzat ere hala izatea nahi dute. Zazpi... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz... [+]
Badut lagun bat pop-aren bueltan Euskal Herrian emakume eta gazteek martxan jartzen dituzten proiektu berriei erreparatzen diona. Hark ezagutarazi dit onomatopeiadun talde bizkaitar hau. Hiruzpalau kantu sarean, eta uda ostean lan luzeago bat kaleratzeko asmoa.
KAK! taldea... [+]
Guztiok entzun nahi dugu musika: asko, merke, euskaraz eta gaizki sentitu gabe. Baina Spotify utziko badugu Israelen konplize izateagatik, agian beste enpresa eta tresnen inguruan ere hausnartu beharko dugu. Edo gure morala kontratatzen ditugun zerbitzuen arabera neurtzen hasiko... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Les Concert des nations, La Capella nacional de Catalunya orkestra sinfonikoa
Zuzendaria: Jordi Savall
Abesbatzen prestaketa: Lluís vilamajó
Egitaraua: Mendelssohnen lanak
Non: Kursaal auditorioan (Donostiako Musika Hamabostaldia)
Noiz: abuztuaren... [+]