Emakumeak borrokan

Lagunekin hobeto

Xabier Etxaniz Erle
2019ko urtarrilaren 13a
"Nire hartz handia, nire hartz txikia eta ni neu". Margarita del Mazo Ilustrazioak: Rocio Bonilla. Itzulpena: Mari Eli Ituarte. Mensajero, 2018 l 32 orrialde l Haurrentzat

Liburu honetako protagonistak, izenburuan adierazten duen bezala, bi hartz ditu. Bata handia eta bestea txikia. Eta, hain zuzen, ideia horretatik abiatzen da istorioa: “Hartz bat izateak abantaila handiak ditu, eta bi izateak… askoz gehiago!”. Irakurleak, orduan, gure neska protagonista ikusiko du hartz panpinari txano bat jartzen eta ondoko orrian hartz handiak nola jartzen dion berari txanoa.

“Nire bi hartzak toki guztietara datoz nirekin” diosku protagonistak eta, horrela, ikusi ahal izango dugu elurretan paseatzen, jolasten, arrantzan izoztutako errekan, basoko animaliak ezagutzen eta beste mila kontu egiten bere bi hartzekin batera.

Margarita del Mazok istorio sinple eta hunkigarria proposatzen digu, egunerokotasunean txertaturiko istorioa; elkarrekin, laguntzen, babesten ari diren lagunen istorioa. Eta kontakizunari ederki dagokion ilustrazio tonua azaltzen zaigu Rocio Bonillaren eskutik. Pastel tonuko koloreak, xehetasun ugari, kanpoko hotzaren zuritasuna eta animalien nahiz landare apurren bizitasuna agertuko zaizkigu irudi errealista, goxo eta iradokitzaileetan.

Ez dakigu zein den protagonistaren izena, ezta behar ere; bere ikuspegia bakarrik jasotzen baitugu istorioan. Berak zer pentsatzen duen, zer sentitzen, lagun txikiaren eta handiaren ondoan. Handiaren indarrak emaniko segurtasunaren ondoan, lagun txikiak gauza ñimiñoetara hurreratzeko aukera ikusi ahal izango dugu. Bai eta gure neska protagonistak txikiari emaniko babesa askoz ere era gozo eta handiagoan nola jasotzen duen hartz handiaren aldetik ere.

Adiskidetasunaren aldeko mezua izan zitekeen liburu hau, baina amaieran irakurleak ikusi ahal izango duen bezala –liburu guztian iradokitzen dena, bestalde-, kariño kontua da, maitasuna, liburu honen gaia. Gurasoak nola babesten, nola zaintzen, nola laguntzen dion alabari. Hartz aitak edo hartz amak bere kumea zainduko zukeen bezala; gure protagonistak bere hartz txikia maite duen bezala. Amaieran, hasierako ideiara bueltatuz, egileak dioen bezala: “Ona da hartz bat edukitzea; gainera, nik bi dauzkat eta hori askoz hobea da”; edo guk esango genukeen bezala, ona da liburua bakarrik irakurtzea, hobea lagun batekin batera. Eta hori zure hartz handia bada, askoz hobea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Liburu kritikak

Liburu kritikak kanaletik interesatuko zaizu...
2019-05-19 | Igor Estankona
Apaldiak
Itsas bizimina. Pello Otxoteko. Balea Zuria, 2019

Balea Zuria argitaletxean agertzeko aski kresaltsua, sakona eta urdina da Itsas bizimina (2019), itsasozale batek idatzitako poema liburu ezin zabalagoa. Ortzemuga urrunetara darama gizaki normala, eta gizaki normala epopeia baten parte dela erakusten digu. Pello Otxotekorekin (Irun, 1970) solastu naizenean edo bere aurreko liburuak hartu ditudanean –Haraindiko begiraden bila urrun hura (Bermingham, 1999), edo Goizalbaren argitan... [+]


2019-05-12 | Aritz Galarraga
Miranderekin zer egin
Gauaz parke batean. Jon Mirande. Elkar, 1984

Tarte honetan berean, orain zortzi urte inguru, debate ezdeus bat ebazten saiatu ginen: Martin Ugalde, Gabriel Aresti, nor izan ote zen ipuina literatur genero moderno gisa landu zuen lehen euskal idazlea. Ebazten saiatu baino planteatu egin genuen, lehena nor izan zen ez baita sobera garrantzitsua; bai, ordea, jakitea garai bertsuan kezka bertsuei erantzun bertsuak ematen saiatu zela idazle bat baino gehiago. Hirugarren izen bat falta... [+]


Irakurri eta antzezteko lana
"Nork agintzen du?". Alaitz Olaizola. Ilustrazioak: Manuel Ortega. Erein, 2019a.

Urte batzuetako etenaldiaren ondoren berriro dugu antzerki lan bat esku artean. Alde horretatik, horrexegatik bakarrik ere, pozgarria da Erein etxearen Antzoki Txikia bilduma barruan argitaratu den Alaitz Olaizolaren lan berri hau. Olaizola ezaguna da arlo honetan, bilduma honetan bertan baditu eta, hainbat lan argitaratuak. Eta alde horretatik irakurtzeko eta antzezteko diren liburu hauen nondik... [+]


2019-04-26 | Mikel Asurmendi
Uxue Alberdiren Kontrako eztarritik (LISIPE)
Feminismoari esker dira, diren legezko emakume


Zure begiek hiltzen naute
Gailur ekaiztsuak Emily Brönte
Itzultzailea: Irene Aldasoro.
Erein eta Igela, 2017
Literatura unibertsala

Gailur ekaiztsuak Emily Bröntek 1847an argitaratu zuen eleberria da. Ezizenez sinatu zuen emakume izaera ezkutatzeko harrera misoginoaren beldur. Hala ere, ingeles literaturako klasiko bihurtu da lan hau.

Landa eremuan isolatuta dauden bi etxeren artean gertatzen da istorioa. Bi atal ditu lanak: lehenean Catherine Earnshaw, Edgar Linton eta Heathcliff dira... [+]


Espektro bat euskal letretan
Ezagutzaren Matazak. EMAGIN. Susa, 2018

Ezagutzaren matazak liburuari buruz hitz egiteko dramatikoegi jarriz gero kritika hau hasiko nuke esanez: “Espektro bat dabil euskal letren plazan”. Misterioa jarraian argituko nuke: “Espektro hori da sorkuntza kolektiboa”. Alta, ez dago dramatiko jartzeko beharrik eta agian adibide xinple batzuk aski dira esan nahi dudana adierazteko.

Ezagutzaren matazak Emaginek kolektiboki sortutako liburua da, baina ez da gisako... [+]


2019-04-07 | Igor Estankona
I tuoi occhi
Poesia kaiera. Cesare Pavese. Susa, 2019.
Itzultzailea: Ion Olano Carlos

Cesare Paveseren nobela eta ipuin neoerrealistek beharbada ez, baina bere poesiak gaur-gaurkoa izaten segitzen du. Uzta urriagoa izan arren neurtitzetan, hordigarria da ardo hori: Paveseren irudien potentzia. Eta irudi horietatik unibertsalena hartu eta Xabier Letek jarri zuen “Etorriko da zure begiz heriotza”, eta Migel Anjel Unanuak “Etorriko da heriotza eta zure begiak izango ditu”, eta... [+]


2019-03-31 | Aritz Galarraga
Hemen da paradisua

Europa da kontinente bat, ados, kontzeptu geografiko bat, kultural bat, politiko bat. Baina da batez ere amets bat, utopia bat, paradisu moduko zerbait munduko beste hainbat bazterretatik hona lekualdatu nahi duen migrariarentzat.

Tximi ez da zehazki migrari, ama Andoaingoa, aita Marokokoa, hamabi urte arte Frantzian bizitu zen, Donibanen eta Baionan. Eta hala ere “moro bat, pentsatuko zuten, zergatik horren gainian giro petrala zegoen”. Ezagun duelako saiatzen da Europara joan... [+]


Zer gertatuko ote?

Txekhov kanadiarra deitu izan diote Alice Munrori, hizpide dugun ipuin bilduma idatzi duen egileari. Sari asko jaso ditu egin duen ibilbide literario luzean, besteak beste 2013an Literaturako Nobel Saria. Epaimahaikideek esan zuten ipuin garaikideko maisua (maistra?) zela. Hamalau ipuin liburu argitaratu ditu gaur arte, lau urtean behin bat gutxi gorabehera, eta euskaraz bi liburu ditugu: 2012an Zorion handiegia itzuli zuten eta 2018an Etsaiak, lagunak, ezkongaiak, maitaleak,... [+]


ASTEKARIA
Azkenak
EGILEA
Eguneraketa berriak daude