Melanie Serrano. Etiketak erraustu

"Baršan hasi nintzenean gure taldea amateurra zen, orain profesionala da"

  • Emakumezkoen Barcelona taldeko (FCB) jokalaririk aspaldikoena da Melanie Serrano (Sevilla, Andaluzia, 1989). Neska-mutilen arteko parekidetasunetik urrun egon arren, hamabosgarren denboraldia abiatu berri duenean emakumezkoen futbolaren eboluzioa azpimarratzen du gorri-urdinak.

Saioa Baleztena @SaioB
2018ko urriaren 14a
Argazkia: Oriol Clavera
Argazkia: Oriol ClaveraArgazkia: Oriol Clavera

Nola gogoratzen duzu zure haurtzaroa?
Zorionez. Motelegi goaz, baina futbolean jolastu nahi duten nesken egoera gaur egun, nire garaian baino xamurragoa da. Egoera deseroso asko bizi behar izan nituen, egia esan, gerora bidean topatu ditudan gainontzeko neskek bezala. Gogoratzen dut nire lagun mutilen gurasoek mespretxuz jokatzen zutela nirekin, eta, hori gutxi balitz, taldeko gainontzeko jokalariek burla egiten zuten euren artean, jokaldi edo gol bereziki ona egiten nuenean.

Koxkortu zinenean mantendu al zen bazterketa hori?
Egia esan, inflexio puntu bat egon zen Kataluniara etorri nintzenean. Sevillan bizi nuenarekin alderatuz, hemen gizarteak mentalitate irekiagoa du orokorrean, eta, bereziki, kirolari dagokionez. Emakumeok erraztasun gehiago ditugu gizonezkoei aitortu izan zaizkien kirolak praktikatzek.

Zeintzuk izan ziren zure ttikitako erreferenteak?
Ez dut erreferente zehatzik. Baina txikitxoa nintzenetik argi izan nuen futbolari profesionala izan nahi nuela. Beraz, amets hura egia bilakatzeagatik borrokatu izan dut beti. Pentsatzen dut, hein batean, miresten nituen jokalari mutil horiek zirela nire erreferenteak, gehien bat, garai hartan emakume futbolaririk ez zegoelako. Zorionekoa sentitzen naiz hainbeste amestu nuen hori ase eta gustuko dudanaz lan egiteko aukera dudalako.

Zer deritzozu nesken futbolaren eboluzioaz?
Berdintasunetik urruti gauden arren, asko hobetu da. Esango nuke publizitatearen afera gakoa izan dela  zentzu horretan: hainbat markaren babesak ikusgarritasuna eman digulako. Sekulako aldea nabaritzen dugu. Era berean, futbol klubak geroz eta apustu irmoagoa egiten ari dira nesken futbolarekin, eta nork bere harri-koskorra ekarrita egoera are gehiago hobetuko da.  

Argazkia: Oriol Clavera

Zenbateraino eragiten dute futbolean patriarkatuak josi dituen estigmek?
Arazo nagusia da emakumea etiketatzeko joerak min handia egin digula. Historikoki aitortu zaizkigu garbiketa eta zaintzari lotutako rolak. Baina begien bistakoa da, gure aurreko belaunaldietako emakumeek gaur egun ditugun aukerak izan balituzte, gizonei aitortu zaizkien kiroletan trebeak izango ginateke aspalditik. Sistema matxista baten biktimak gara eta horregatik, emakumezkoen futbol profesionalaren historia duela gutxi hasi gara idazten.

Lan anitz dago egiteko. Espainiako Erreginaren Kopan, Erregearen Kopan ez bezala, Erregina ez da orain arte sekula aurkeztu. Nola da posible?  
Ulertezina da Espainiako Erregina bere izena daraman lehiaketaren finalera ez agertzea. Lehiaketa honetan azaleratzen da, ikaragarri, nesken eta mutilen kirolen profesionalitatean dagoen desberdintasuna. Lehentasun kontua da eta, zalantzarik gabe, emakumeen futbola normalizatzeko ezinbestekoa da ordezkari nagusien babesa. Beraz, bera ez badator, Erreginaren Koparen izena aldatu beharko genuke…

Zenbateraino hobetu da orduan egoera azken urteetan?
Tira, ni Barçan hasi nintzenean gure taldea amateurra zen. Gizonezkoen klubetik erabat urrunduta zegoen gure taldea. Gaur egun, aldiz, profesionalak gara. Kontuan hartu, adibidez, duela gutxi arte bidaia gehienak autobusez egiten genituela eta orain hegazkinez goaz. Sekulako aldea dago.

Udan iskanbila egon zen mutilen taldearekin egin zenuten bidaia batean. Zuek turista klasean eta eurek business klasean bidaiatu zenuten.  
Tira, jendeak morboa bilatzen du. Baina esaidazu lehen mailako zein nesken taldek egin duen bere klubeko mutilen taldearekin bidairen bat. Noski, berdintasuna aldarrikatzen dugu, baina kasu honetan eskertzen dugu klubak eman digun aukera. Ikaragarria izan da. Eta kluba kritikatu ordez, gainontzeko futbol taldeek ere FCBren eredua betetzen dutenean, zalantzarik gabe gertuago egongo gara futbolaren parekidetasunean.

Hamabosgarren denboraldia betetzen duzu aurten FCBn. Zer da zuretzat klub hau?
Nire bizitza da. Nire familia. Hemen igaro ditut urterik garrantzitsuenak, une on eta txarrekin. Beraz, pertsonalki asko irakatsi dit. Beti eskertuko diot Barçari nirekin kontatu izana.  

Zein dira aurrerantzean zure erronka nagusiak?
Epe laburrean,  Champions txapelketaren trofeoa altxatu nahiko nuke, hori baita orain arte lortu ez dudan bakarra. Espainiako Liga eta Erreginaren Kopa irabazi nahiko nituzke berriro ere. Baina, batez ere, Barçarekin une bakoitza gozatu nahi dut.

Etorkizunera begira, jokalari ibilbidea amaituta, entrenatzaile izan nahiko al zenuke?
Noski, entrenatzaile izateko ikasketak baditut. Baina oraingoz behintzat ez dut etorkizuna gehiegi begiratzen, egunean egunekoa bizitzen saiatzen naiz. Hala ere, bai, gustatuko litzaidake entrenatzaile izatea.

 

Generoa eta futbola

“Futbol baloia besapean nuela jaio nintzela esan izan dit betidanik amak. Gogoratzen dut txikitxoa nintzenean nire lehengusuak bilatzen nituela eskolako jolas-orduan eurekin futbolean aritzeko. Herriko taldearekin hasi nintzen gero, hamar urte bete nituen arte. Neska bakarra nintzen eta mutilen kontra lehiatzen nintzen beti. Are gehiago, liga osoan beste neska baten kontra jokatu nuen bakarrik. Gutxiengoa ginen. Garai hura gogorra zen futbola maite genuen neskentzat, baina futbol partiduak telebistan ikusten nituenean argi nuen nire ametsa jokalari horiek zeuden tokian egotea zela. Etxean jasotako heziketari esker bete dut. Ezinbestekoa da seme-alabak askatasunean heztea”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Futbola  |  Feminismoa  |  Bartzelona

Futbola kanaletik interesatuko zaizu...
Errekorrak hautsi ditu Athleticen partidak: 48.121 ikusle

Europan, emakumezkoen futbol partida batek ez du sekula horrenbeste jende bildu, eta mundu mailako bigarren daturik altuena da. Gizonezkoen taldeak denboraldi honetan ez du zifra hori gainditu.


2019-01-23 | I˝igo Igartua
Epaitegiaren eskumen arazo bat medio, Xabi Alonsoren aurkako epaiketa atzeratu da

Madrilgo Fiskaltzak bost urteko kartzela zigorra eskatzen du futbol jokalari ohiarentzat, 2010, 2011 eta 2012. urteetan Ogasunari iruzur fiskala egitea egotzita.


2019-01-18 | Axier Lopez
Xabi Alonso futbolari ohia asteartean epaituko dute zerga iruzurra egotzita

Urtarrilaren 22an Madrilen epaituko dute Tolosako futbolari ohia. Bost urteko espetxe zigorra eskatu du fiskaltzak, Real Madrileko jokalaria zela, bi milioi euroko iruzurra egitea leporatuta.


2019-01-17 | ARGIA
'Kirol legez/Fair Play' ikuskizuna sortu du Kukai dantza taldeak, Realarekin elkarlanean

Otsailaren 9an eta 10ean estreinatuko du Kukai dantza taldeak Realarekin elkarlanean sortutako ikuskizuna, kultura eta futbola uztartuko dituen Korner jaialdiaren baitan.


Aitor Elizegi, Athleticeko presidente berria

Parte-hartzea %46koa izan da. 86 bozen aldearekin, taldearen historiako 32. presidentea izango da.


Anoeta: Nork estaliko du obren zuloa?
Politikari eta enpresarien gola iruzurraren zelaian

1993an inauguratu zuten Anoeta estadioa, eta 25 urte geroago eraberritze obrak ditugu protagonista. 50 milioi euroko aurrekontua onartu zen 2016an, eta kopuruak gora egin duen arren –60 milioi eurotan kokatzeraino–, horrelako obratzarra egiteko askoz diru gehiago behar da, beste proiektu batzuen kostua eredu hartuta.

Beraz, merkatuko prezioetatik oso behera egindako merkezurreko obra hau zein txanponekin ordainduko da? ELA sindikatuko Eraikuntza arduradun Igor San Josek jarraipen... [+]


ASTEKARIA
Azkenak
EGILEA
Eguneraketa berriak daude