Onartu, AHT erokeria da
Europako Kontu Auzitegiak txosten etsigarria zabaldu du Europako abiadura handiko trenbide sarearen inguruan (Euskal Herrian AHT, Frantzian TGV, Espainian AVE…).
“Mosaiko ez eraginkor” gisa definitu du eta “engainu handi bat” dela dio: gainkostu ikaragarriak proiektuetan eta eraikuntzan; bezeroak erakartzeko helburuetan porrota; beste garraiobide batzuekin –aire bidezkoa esaterako– konektatzeko ezintasun erabatekoa… Kilometro bakoitzeko kostua 25 milioi eurokoa da. Hala, Euskal Y delakoak 7.000 milioi euro kostako luke, ADIFen aurreikuspenen oso gainetik. Hendaian barrena, Europako gainerako lurraldeekiko konexioa bazterturik dago jadanik. Bidaiari falta merkantzien garraioarekin orekatzeko ustezko asmoa bestalde, Gasteizen hainbestetan defendatu dutena, txosten ugarik bota dute atzera.
Burugabekeria ekonomiko horren aurrean, ez al da erokeria AHTren ideia bera osotasunean? Araba, Bizkaia eta Gipuzkoako nahiz Nafarroako gobernuetatik igaro diren arduradun politiko guztiek egin dute, modu batean edo bestean, orain Europako erakundeek ezbaian jarri duten erokeria horren alde. Enpresa pribatua izan balitz, bere arduradun guztiak kaleratuak izango lirateke dudarik gabe. Baina lau urterako politikariak direnez, burugabekeriak eta xahubide ekonomikoak jarraitzen du. Lemoizekin gauza bera gertatu zen.
Logikoena AHTren obrak gelditzea litzateke, auditoria neutrala egin eta ikusi, herritarren parte-hartzearekin, zer beste alternatiba egon daitekeen garraiobide sozial baterako. Gasteizko Gobernuak, gutxienez, erokeria hori onartu beharko luke, lanak gelditu eta eztabaida irekia sustatu. Beharrezkoa den eztabaida, baina herritarrei lapurtu izan zaiena.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
AHTren kontrako Nafarroako eta Arabako plataformek eskatuta, hainbat alderdi politiko azpiegitura horren aurkako jarrera ari dira berresten. Nafarroan, AHTren proiektua “gelditu eta bertan behera uzteko” irmo segituko dutela agindu dute EH Bilduk, Ahal Dugu-Podemosek, Ezkerrak eta Equok.
Larunbat eguerdian izango da orain dela hilabete batzuk Arabako hiriburuan iragarritako manifestazioa. Antolatzaileen esanetan, "proiektu guztiak hasi gabe daude eta garaiz gabiltza gelditzeko".
Abiadura Handiko Trenaren gaia jorratzea funtsezkoa da elkartearentzat, herritarrentzat giltzarri baita jakitea zein tren zerbitzu izango duten Nafarroan etorkizunean.
2012an hasitako obra lanen bigarren fasea abiatu dute, eta jarritako epearen arabera hiru urte eta bost hilabeteren buruan lanek amaituta egon beharko lukete.
Nafarroako Abiadura Handiko Trenaren aurkako mugimenduak manifestazio jendetsua egin zuen joan den larunbat arratsaldean Altsasun, oraingoan Sakana Trenaren Alde taldeak deituta.
Mobilizazioa antolatu dute martxoaren 30ean “Tren soziala bai, AHT gelditu. Respetad la voluntad popular” lelopean, Altsasuko suhiltzaileen parketik abiatuko da 18:00etan.
Sakana Trenaren Alde, AHTrik ez! taldeak, larunbatean 18:00etan eginen den manifestazioa aurkeztu du.
'Jartzazu-Jarriezu' kanpainaren bidez Mugitu! Mugimenduak gure etxeko leiho zein balkoietan AHTarekiko aurkakotasuna adierazten duen edozein bandera ipintzera dei egiten du.
Italiako gobernuak atzeratu egin du Lyon eta Turin Alpeak zeharkatuz lotuko lituzkeen Abiadura Handiko Trenbide berrirako obren lehiaketa. Tirabira handiak daude Erromako gobernua osatzen duten bi alderdien artean eta oraingoz azken erabakia atzeratzearekin moldatu dute krisia.
TAV eta LGV bi sigla eta erran-nahi bera: Abiadura Handiko Trena (AHT). Irun-Hendaia-Hondarribian, ataka gaitza dauka proiektuak. Trena Akitanian beheiti aise heldu da, Baionatik beheiti nekez, eta Bidasoan, artean gauzatu gabe. Obraren gauzapena motel garatzen ari da.
