Etsipena eta itxaropena
Igaro zen Aberri Eguna. Barkatu, baina Francorekin hobeak ziren. Haiek bai aberri-egunak! Ala gazteagoak eta fede sendoagokoak (edo inozoagoak) ginelako ote zen? Dena den, ez ditzagun mamuak berpiztu, eta behean bego aipatua, ondo dago eta!
PSE/PSN/PSOEren jarrerak ikusita: zergatik ote da gurea "obsesio soberanista eta identitarioa", baina ez espainiar nazio handi bakarraren subiranotasuna bai ala bai inposatzea, Estatuaren aparatu guztia lagun, armada barne?
Zintzo esanda, azkenaldian poz gutxi samar ematen didate alderdi abertzaleek, etsipenak gehiago. Urtea joan eta urtea etorri, zeinek du aldarrikaturiko helburuak lortzeko estrategia zehatzik, plangintzarik, bide-orririk, bidaiderik, eperik? Tristea da, baina Aberri Eguneko adierazpenak umorez eta etsipenez hartu ohi ditut. Dena den, badira bi argi-izpi zerumugan: lehena, Ahal Dugu/Podemosen jarrera Erabakitzeko Eskubidearen alde. Eta bigarrena, eskubide hori erabiliz datozen hilabeteetan zenbait herri eta eskualdetan egingo diren bozketak.
Lehena are garrantzitsuagoa da, PSE/PSN/PSOEren jarrerak ikusita. Zergatik ote da gurea “obsesio soberanista eta identitarioa”, baina ez espainiar nazio handi bakarraren subiranotasuna bai ala bai inposatzea –Estatuaren aparatu guztia lagun, armada barne–, erkidego bateko edo besteko biztanleen gehiengoak besterik nahi izanda ere? Zergatik Erabakitzeko Eskubideak banatu egiten du gizartea, statu quoa mantentzeak edo beste edozein hauteskundek banatzen ez badute? Zergatik hitz egiten da gure “etnizismo esklusibistaz”, boto-eskubidea berme eta balio berekoa bada biztanle guztientzat, euskal abertzale sutsua nahiz espainiar nazionalista amorratua izan?
PSE autodeterminazioaren aldeko pankartaren atzean ibili zeneko garaiak ahaztuta, Ahal Duguren jarrera berritzailea da, ezin demokratikoagoa; jarrera gotortu, blokeatu eta zaharkituen aurrean, haize fresko eta gaztea. Bejondeiela!
Bestalde, zuzenean edo zeharka Gure Esku Dagoren ekimenez, laster botoa emateko aukera izango da hainbat herritan. Aintzatespen ofizialik gabe, balio sinboliko eta morala izango dute; baina gauzak ondo egiten badira, balio pedagogiko handikoak ere izan daitezke. Hortxe ikusten dut erronkarik handiena: jende guztiari (ez gure sokakoei bakarrik) garbi azaldu behar zaio zergatik biziko ginatekeen hobeto burujabeago izanda, gurea geure gain hartuta.
Lan handia dago egiteko gehiengo garbiak lortu nahi badira! Ahaztu egiten dugu sarri, baina Eskozian edo Quebecen bezala botoa emateko garaia iristen denean, berdin balio dute boto guztiek, ausartenek eta beldurtienek, daukagunari eustea da minimoa, eta hori galtzeko beldurra erraz ereiten duten hazia da. Hobe genuke ez ahaztea ustekabeko muturrekorik ez jasotzeko!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
Ikasturte berriarekin batera, EHU Palestina plataformako kideok berriro batzen hasi gara, ikasgela, ikerketa eta gainerako unibertsitate-jardueretan Palestinan Israel egiten ari den genozidioa eta horren konplizeak salatu eta baztertzeko. Abiatu ginenean oso bakarti sentitu... [+]
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ez dakit literatura-ikasketak egin ditudanarengatik den, baina nekez onartzen dut hitzen erranahien deformatze ideologikoa. Azken hilabete hauetan, eta bereziki Frantzian Bruno Retailleau Barne ministro denez geroztik, militante hitza zentzu arrunt peioratiboan erabilia da. Nik... [+]
Genozidioaren faseak, guztiak larriak izanda ere, une batzuetan eskandalagarriak, zaratatsuak, izan ohi dira, baina beste zenbait unetan isilean garatzen dira, ia oharkabean.
Entzutetsuak dira populu indigenen sarraskia Amerikan, Gernikako bonbardaketa, holokausto nazia... [+]
Abuztuaren erdian hasi zen eskubaloira entrenatzen seme zaharrena; irailetik aurrera, astean lau entrenamendu ditu (hiru tekniko, bat fisikoa) eta asteburuetan partida. 15 urte ditu. Erdikoak, eskola-kirolaz gain, futbola eta eskubaloia. 9 urte ditu. Etxeko agendan, leku gehiena... [+]
Grebek laguntzen digute ideologizazioan, kontzientziazioan, kolektibizazioan. Greba prozesu bat da, lanuzteaz harago. Epe motzean emaitzak lortu gabe ere –galdetu bestela Gasteizko lorezainei edota Gipuzkoako erresidentzietako langileei–, borrokarako eta... [+]
Interneteko plataforma boteretsuenek fenomeno bat sortu dute: euren sistemen baitan, negozio eredu “burujabeak” sortzearen ilusioa.
Australiako Glitch estudioak Guiniverreko zaldunak 2D animazio telesaila argitaratu berri du Youtube plataforman. Istorioan, Dana... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]