ARGIA.eus

2020ko ekainaren 02a

Euskal streaming

Joanes Etxebarria
2016ko martxoaren 13a

Behin ezin nintzelako bertan egon, Euskal Herriko Bertsolari Txapelketa Internetetik segitu nuen, streaming bidez. Orduan pentsatu nuen, nahiz eta sarean zuzenekoak ohikoak izan, soilik gurean gerta zitekeela halako zerbait; jende andana pantaila aitzinean akapela kantari ari ziren zortzi pertsonei begira egotea, zuzenean.

Azken euskal streaminga askoz ere harrigarriagoa iruditu zait. Hori ere, soilik Euskal Herrian gerta zitekeen, edo beste herri gutxitan: preso bat kartzelatik ateratzen ikus zitekeen zuzenean Internetez. Garan irakurri zitekeen Arnaldo Otegik dudatzen zuela ea gazteekin lehengo konexio berdina lortuko ote zuen sei urteko kartzelaren ondotik. Artikuluak zioen kontziente dela sei urte eta erdian mundua asko aldatu dela eta teknologia berrien garapenaz ahal bezala jabetu dela ziega barnetik.

Zuzenbide ikasketak, irakurketak eta bisita desberdinen artetik trending topic zer den irakurri ahal izan badu, gutxiago harrituko zen ateratzean. Minutu batzuetan sare sozialetan aipagai nagusia da trending topic. Otegi, haatik, epe luzeko aipagaia da, eta behingoz, ez dut dudarik streaminga itzaltzean gaia ez dela desagertuko. Honki jin Otegi, honki jin Lorentxa. #FreeThemAll.

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Internet

Iritzia kanaletik interesatuko zaizu...

ASTEKARIA
2016ko martxoaren 13a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude