Zifrak

Abuztuak ikara eragiteko moduko zifrak utzi dizkigu. Dakigunez, 47 ziren aurreko astean indarkeria matxistak utzitako gorpuak. Dakigunez, bortxatzeko grina maskulinizatuak ez du oporrik hartu. Badirudi inoiz baino lanpostu gutxiago dagoen honetan, gero eta langile gehiago hil direla, asko, gure azpiegitura horiek eraiki lanetan. Gazako arreba-anaien gorpuek Israelek itotzeraino murriztutako lur zati niminoetan lurperatzeko gaitasuna gainditu dute. Siriako gorpuen zifrek gure adimenean hori bera liseritzeko gaitasuna gainditu dute; kasik, ustelkeriaz hitz egiten digutenean aipatzen dituzten milaka miloi euroen zifren antzera.  

Zifra dantzaren artean, haiek ulertu eta liseritzeko beste batzuk falta ditudala pentsatu dut. Zenbat kondena daude erailketa horiengatik? Zenbat bortxaketa ekiditea lortu dute hainbat andrek? Zenbat diru irabazi dute langileak gorpu bilakatzen dituztenek? Zenbat bala eta bonba jaurti dituzte sionistek? Zenbat urte daramatzagu Ekialde Hurbila lehertzen?

Zifra hutsak omen gara, baina jakin dezagun gutxienez zenbat garen eta zeren kontra dihardugun. Irabazi arte.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2024-05-29 | Karmelo Landa
Setioa

Setio egoeran bizi gara euskaldunok eta katalanak Espainiako Estatuan, eta gainera ez dugu horren kontzientzia argirik, uste dut. Katalunian hori oso nabarmena izan da azken hauteskundeetan eta ondorengo egoeran.

Benetan aztertzeko modukoa da gertatu dena: Espainiako botere... [+]


Eguneraketa berriak daude