Altxor bat
Perlak taldearen kantuak entzun ditudanean poztu egin naiz. Estimatzekoa eta txalotzekoa baita taldekideen etorria, ausardia, bizitasuna eta naturaltasuna, eta egiten dutena Euskal Herriko musikaren munduan ohikoa ez izatea; zerbait desberdina edo berezia egitea, alegia.
Kantuek alaitasuna eta bizipoza transmititzen didate, nahiz eta giroak hainbatetan apur bat ilunak izan. Horren harira, “Tximeleten udako egun bat bezalakoa izan beharko luke gure bizitzak”, CDan idatzita ageri da Perlak izenaren ondoan.
80ko hamarkadako post-punk aireak suma daitezke Perlak taldearen kantuetan. Kantuek indarra badute. Erritmoak, oro har, erdi denborakoak dira, eta doinuetan ukitu ilun bat antzeman daiteke, baina doinu koloretsuak dira. Hori lortzeko, teklatuek asko laguntzen dute, teklatuen bidez kantuak giro bereziz jantzi baitituzte.
Melodiak atseginak dira, nire gusturako. Abeslariek ondo kantatzen dute, eta denek beren musika tresnak ongi jotzen dituzte, birtuosismo eta konplikazio handirik behar izan gabe, soberan egon litezkeen apaingarririk behar izan gabe, beren kantuak egiteko, Perlak kantuak. Izan ere, taldekideek kantu bat egiteko gauza gehiegirik ez dutela behar ematen du: imajinazioa, grina eta nota batzuk besterik ez.
Hitzak entzutean gogoeta egiten hasten naiz. “Letrek pentsarazi egiten dute. Zerbait gainditu duzula dirudienean eta horretatik asko ikasi duzula ematen duenean, berriz etortzen da zartateko bera. Existentzialista puntua dute letrek”. Taldekideek beren hitzen gainean hori esan zuten diskoaren aurkezpenaren bezperan, apirilean.
Perlak taldea Zarauzkoa (Gipuzkoa) da. Ilargi Agirre (bateria, koruak), Maite Martiarena (ahotsa, gitarra, teklatuak), Oihane Abarrategi (ahotsa, gitarra, teklatuak) eta Patxi Agirre (ahotsa, baxua, teklatuak) dira taldekideak. 2013an elkarrekin jotzen hasi ziren, eta diskoko kantuak azaroan Mungiako (Bizkaia) Gaua estudioan grabatu zituzten.
Grabazio on bat egin dute, diseinu lana ere txukun egin dute, eta lan polit bat osatu dute. Aitor Abio produkzioaz arduratu da, Jon Asier Zubelzu masterizazioaz, eta nahasketak bien artean egin dituzte. Kevin Baumanek eta Nagore Etxabek argazkiak egin dituzte, eta Nagore Etxabek berak eta Xabier Lertxundik diseinu lana burutu dute.
Perlak taldeko kideek elkarrekin entseatzen urtebete eskas daramate, baina jotzeko erraztasuna sumatzen zaie. Beren kantuak jotzen ederki pasatzen dutela nabari da, eta hori ere aise egiten dutela ematen du. Beren lehen lana oso gustura entzuten dut. Zazpi kantu dira, eta CD osoa arin entzuten da.
Zer: “Requiem (s)”. Ballet Preljocaj.
Koreografia: Angelin Preljocaj.
Eszenografia: Adrien Chalgard.
Argiztapena: Éric Soyer.
Jantziak: Eleonora Peronetti.
Bideoak: Nicolas Clauss.
Lekua: Kursaal Auditorioa, Donostia.
Data: abuztuaren... [+]
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso urruñarrak:... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Musika-eszena antikomertzialean alea jartzeko asmoz sortu dute Aurka kolektiboa. Martin eta Katalin kideekin hitz egin dugu arlo horretako kolektiboen loraldiaz, musika politizatuaz eta musikaren potentzialitateez, industria musikalaz, makrojaialdiez eta beste.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Azken urteotan egin dudan bezala, Musika Hamabostaldiak 86. ediziorako prestatu duen egitarau ederra ikusita, nire iradokizun eta gomendio bereziak egiten dizkizuet.
Egia esan, eta ia beti gertatzen den bezala, oso zaila da kontzertu batzuk nabarmentzea, horiek guztiak... [+]
Bizi-biziak dira oraindik musikan dabiltzan emakume eta genero disidenteen azalean bizi izandako indarkeriaren orbainak. Ugaritu dira, halaber, orbain horiei buruzko ahotsak komunikabideetan, ikerketetan zein hainbat ekimenetan. “Asko dago egiteko oraindik”, diote... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Ingalaterrako Massive Attack taldeak artisten arteko aliantza sustatu du, hasi berri diren artistei edo Israelen aldeko erakundeen zentsura pairatzen dutenei babesa emateko.
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
Aspaldi ez bezala hunkitu nintzen Bloñ lehen aldiz ikustean. Bizi osorako ahots bakarra entzun ahalko banu kantuan, zalantzarik gabe, Maia Iribarnerena litzateke. Obretan ari dira etxe barnean eta inguruko zuhaitzen itzalpean jarri ditugu aulkiak, parez pare. Mintzatu... [+]
Norbere gorputzaren gaineko erabakiez, estetika heteropatriarkalaren morrontzaz, kontraesanez eta musikaren industriaz solastatzeko baliatu dugu Arrigorriagako polemika: herri horretako jai batzordeak Vulkano orkestra festa-egitarautik kentzea erabaki du, ikuskizuneko... [+]