2001 eta 2012 urteen artean 610.113 bularreko protesi ezarri ziren Frantziako Estatuan, horietatik %80 helburu estetikoekin.

2010ean alarmak piztu ziren PIP markako protesien inguruan. 2010 eta 2012 urteen bitartean 2.000tik gora emakumek adierazi zuten arazoak eduki zituztela PIP protesiekin, eta kopuru hori izugarri hazten ari da azken bi urteotan. Hala ere, urtero 50.000 protesi ezartzen dira Frantzian, eta osasun arduradunak kezkatuta daude datozen urteetan izan daitezkeen ondorioak direla eta.

Horregatik, zazpi edo hamar urtetik behin protesiak aldatzeko aholkatu dute, silikonazko protesien propietateak aldatuz joaten baitira eta minbizia sortu baitezakete.