Urtero 370.000 milioi txikle produzitzen dira, hiru milioi tona. Txikle bat naturalki birziklatzeko epea bost urtekoa da; eta garbitzaileek bi minutu behar izaten dute txikle bat lurretik askatzeko. Horrela, Londres bezalako hiri handi batek sei milioi euro behar ditu urtero hiriko txikleak kaleetatik kentzeko.

Revolymer enpresa britainiarrak txikleen ezaugarri orokorrak dituen polimeroa sortu du, baina bi desberdintasunekin: batetik, berehala desitsasten da lurretik; bestetik, sei hilabete baino ez du behar deskonposatzeko.

Material horrekin ekoitzitako txikleak salgai daude jada AEBetan, eta laster hasiko da Europan marketin kanpaina.