Recordman berria Nafarroan
Yolanda Barcinak onartu du bazekiela Jesús Pejenaute kontseilariak dirua zuritu zuela CANen.
Kontuz! elkarteak Pejenaute auzia azaleratu eta egun gutxitara, Nafarroako herritarrak kontseilari berria zuten. Iñigo Allik ordezkatuko du Jesús Pejenaute, honek dimisioa aurkeztu eta gero, eskandaluaren ondorioz. Yolanda Barcina presidenteak Onda Cero irratian onartu zuen bazekiela Pejenaute dirua zuritzen aritu zela. Hala ere bere alboan egin zuen Pejenautek karrera politikoa.
“Honek guztiak lotsa ematen dit”
Kontseilari ohiak 500 euroko billete ugari aldatu zituen CANeko zuzendariorde zenean eta bertoko langileek kapital zuriketaren prebentziorako batzordean (SEPBLAC) eragiketa irregular horien berri eman zuten. Nafarroako Gobernuak dio Pejenautek ez zuela zigorrik jaso, baina Kontuz! elkarteak eskatu du SEPBLACek egindako espedientea ikustea, kontseilari ohiak egiaz diru zuriketan izan zuen ardura argitzeko
Kontuz!-ek emandako informazioaren arabera, 2007ko otsailaren 19an CANeko bulego nagusietako zuzendariak eskatu zien 50.000 euro aldatzea 500eko billetetatik txikiagoetara, Jesus Pejenauteren enkarguz. Langileek kontrol organoetara jo zuten harrituta. Erantzuna izan zen kontua “oso larria” zela eta arduradun nagusiarekin –Pejenauterekin– hitz egingo zutela. Hala ere, hurrengo egunetan gisa bereko operazioak egiten segitu zuten eta guztira 180.000 euro aldatu zituen kontseilariak.
“Honek guztiak lotsa ematen dit”, esan omen zuen kontrol organo horietako arduradun batek. CAN oraindik eraitsi gabeko eta administrazio publikoak kontrolatutako aurrezki kutxa zen. Miguel Sanz zen Kontseilari Nagusia, eta Yolanda Barcina Kontrol Batzordeko buru eta Ikuskaritza saileko kidea. Eskandalua lehertu eta berehala Foru Parlamentuko oposizioko hainbat alderdik ohartarazi zuten iruzur horretaz zerbait jakin behar zutela UPNn. “Jende guztiak zekien” esan zuen Barcinak irratian, galderek setiaturik.
Jesús Pejenautek hortik urtebetera utzi zuen CANeko zuzendariordetza –aurre-jubilazioa jaso ondoren, 53 urterekin– baina aurrezki kutxaren inguruko beste erakundeetan segitu zuen goi karguetan –Viálogos, APD, Sodena…–. 2009an, Yolanda Barcina Nafarroako presidente izateko jauzia prestatzen ari zela, aholkulari pertsonal hartu zuen, harik eta 2012ko ekainean Gizarte Politikako kontseilari izendatu zuten arte.
CANeko iruzurra publiko egin eta hiru egunera aurkeztu du Pejenautek dimisioa. Epaitegian gertatuko denaren esperoan, delitua ukatu du, eta kargua uzteko erabakia Gobernuari kalte ez egiteko hartu duela esan du. “Muga oso goian jarri du” adierazi du Barcinak, berak egindako lana baloratzean. Nor izango da errekorra gainditzen hurrena?
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
.jpg)
Nafarroako Gobernuan ondare historikoaz arduratzen den erakundea da Vianako Printzea, eta Iruñeko Udala haren zain zegoen birgaitze prozesuarekin aurrera jarraitzeko. Datozen asteetan, beraz, obrarako lehiaketa irekiko da.
Nafarroako Gobernuak azken urteotako esleipen publikoen gaineko txostenak eskatu dizkio ustelkeriaren kontrako bulegoari Nafarroako Parlamentuko ikerketa batzordeak aginduta. Belateko txostenean, esleipena erabakitzerako orduan arau haustea ikusi du bulegoak.
Joxe Lacalle Huarte da horietako bat, 1978an Guerrilleros de Cristo Rey taldeak bere tabernan egindako eraso baten biktima izan zen; 1979an lehergailu bat jarri zioten tabernan eta 1981ean Guardia Zibilak torturatu egin zuen. Gainerako bostak Espainiako Poliziak torturatu... [+]
Nafarroako Torturatuen Sareak eta Egiari Zor elkarteak ostegunean jakinarazi dutenez, Nafarroako Gobernuak “giza eskubideen urraketaren biktima” modura aitortu ditu sei herritar, 16/2019 Foru Legearen babesean.
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
