Amiantoak Euskal Herrian ere hiltzen du
Amiantoak, enpresa ugaritan erabili den mineral minbizi-sortzaileak, ez du soilik Italian hiltzen, non epai eredugarria izan den arduradunen kontra. Amiantoak Euskal Herriko enpresetan ere hiltzen du. Ehunka langile hilko dira bere garaian mineral horrekin kontaktuan egoteagatik. Aurten, jadanik hiru lagun hil dira. Azkenekoa duela bi aste, Jose Ignacio Gonzalez, Amurrioko Tubos Reunidos-en aritu zen 54 urteko langilea. 2008tik gaur arte 71 lagun hil dira Euskal Herrian mineral horrek sortutako minbiziaz.
Hilketa horien kontrako jardun judiziala ez da berdina, ordea, Euskal Herrian eta Italian. Fiskalek eta epaileek oso kontuan eduki beharko lukete Italian izan den epaia. Eta amiantoak kaltetutako Euskal Herriko familiek, hala nola Amiantoak Eragindako Biktimen Elkarteak (ASVIAME), egoera hori aprobetxatu behar lukete salatzen jarraitzeko eta arduradunak tribunaletara eramateko, ardura penalak eta zibilak garbitu ditzaten. Turingo epaimahaiak 16 urteko kartzela zigorrera kondenatu ditu Eternit enpresaren buruak, Italian amiantozko zementua sortu zuen multinazionala. Bere arduradunek hondamendia sortu zuten ingurumenarentzat eta ez zituzten lan segurtasun baldintzak bete. Jokabide horrek 2.300 lagunen heriotza ekarri zuen epaimahaiaren arabera eta 665 gaixotu ziren. Kondenatuak sententzia ez betetzen saiatu dira 18 milioi euroko indemnizazioa ordainduz, baina kaltetuek uko egin diote dirutza horri. Irakasgai ederra: epaileena, amiantoaren arduradunak kondenatzeagatik, eta kaltetuena, kartzela zigorra saihesteko eskainitako indemnizazioak ez onartzeagatik
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]