Estilo anitzei gaztetasuna batuta, melodia bidelagun

  • Lor ::Rock terapia

    Atxeh

    iraupena ::32´39´´

    prezioa ::13.95€

Elorrioko hirukoteak maiuskulaz idatzitako rocka, terapia, dauka jomugan eta izen bereko eresi rockeroarekin zabaldu du diskoa. Taldekideak gazteak badira ere, taldea ez da berria eta ibilbidean landutako pop-rocka, metala eta bestelako estiloak batu dituzte lan honetan, nondik datozen erakusteko. Hala, melodia taldearen indargarri garrantzitsuena bada ere, eta lelo itsaskorrak idatzi badituzte ere, gitarrei gogor eragin diete –distortsioarekin eta gabe–, rockaren eta metalaren arteko muga ezkutuetatik paseatu dira eta ukitu modernoak landuta erraztasuna erakutsi dute intentsitateekin jostatzeko. Hitzei dagokienez, harremanak, aurrera egin behar izatea, presoak eta bestelakoak abesten dituzte; eta Xabier Paya, Miren Amuriza eta Ibai Guridi izan dituzte laguntzaile.

www.myspace.com/lormusika
Lor
Abestiak egiterakoan perfekziora bideratzen baldin bazara, galtzeko gehiago dago

Rock terapia. Euskal Herrian rock-and-rollak ez duela dirurik ematen esaten da aspalditik, baina sendatzeko balio du?


Sendabelarra da rocka, eta orokorrean musika guretzat, eguneko errutinatik irten ahal izateko hartzen duguna. Urteak daramatzagu elkarrekin jotzen eta horrek ematen digu indarra aurrera egiteko, baita esperientzia berrietara zabaltzeko ere.

Taldekide ohi Kimetz inola ere gutxietsi barik, gustura sumatzen zaituztet hiruko moduan –hori transmititzen didate kantuek–. Hala da?


Aldaketa baten hasiera izan zen hirukote moduan hastea, LORentzat garai berri baten hasiera esango genuke. Sentsazio eta esperientzia berriak ekarri zizkigun formazio aldaketak, eta zeuk aipatu bezala feeling hori igartzen da bai diskoan baita zuzenekoetan ere, oso gustura gaude. Rock zuzenagoa egiten dugu.

“Eskaintzak merkeak dira beti aurreiritzien merkatuan”. Aurreiritziek ez al digute ba indarra ematen, indartzen?


Normalean jendeak paso egiten du aurreiritziez baino guri horrek indarra ematen digu, bai, batuago egoteko.

Zer puntura arte eragina izan du zuengan Elorrio eta Durangaldeko musika eszena aberatsak? Eta zelan ikusten duzue gaur?


Aurrez egon ziren taldeak egon ezean LOR ere egongo ote zen dudan gaude. Eskertu beharrean egon gara beti, musika zale modura, egon ziren taldeen esfortzua eta mugimendu zabala. Garai ederrak ziren, taldeen arteko harremanak oso onak... Gaur egun ere askorekin oso harreman ona izaten jarraitzen dugu, baina hala ere, bere garaian zegoen espiritu rockzale hori ez da berdina.

Abestiak borobilduta, garapen eta moldaketa dotoreekin hornituta daude. Esatea topikoa den arren, gustura gelditu zarete grabazioarekin?


Beti daude hobetuko zenituzkeen gauzak baina grabazio batean perfekziora bideratzen baldin bazara, galtzeko gehiago dago.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude