Errezeta zaharrak nagusi
Ez dago berri nabarmenik ustezko komandoaren desegitean. Polizi operazioa, eragile politikoen poza, komunikabideen algara eta tratu txarrak. Berririk ez, baina zenbait jokaeraren areagotzea bai, batez ere Espainiako Barne Ministerioaren propagandari lotutakoak. Eta propagandatik harago, nekez uler daiteke hainbeste burrunba mediatiko, ez du zentzurik ez polizi eraginkortasunari dagokionez, ezta balizko biktimen ikuspegitik ere. Biktimekiko begiruneaz hainbeste berba egiten den garaiotan, ez da samur irenstekoa balizko biktimen izenak lau haizetara zabaltzearena.
Politikoki, ordea, baliagarria eta ondo neurtua da Alfredo Perez Rubalcaba ministroaren jokaldia. Komunikabideen aurrean zuzenean ondo moldatzen dela erakutsi du behin baino gehiagotan. Zeharka ere bikain moldatzen dela frogatzen ari da bere agintaldian.
Grande Marlaska, Rabanera, Benjamin Atutxa PSEko zinegotzia, Andaluziako kanpaina... luzea da aireratu den ETAren ustezko helburuen zerrenda. Gauzatzekotan larriak guztiak, baina ez berriak. Hobe inoiz gertatzen ez badira, baina ETAren jardunean espero litezkeenak, jadanik gisakoak egin dituelako aurretik ere.
PROPAGANDA funtsezkoa da gerrak irabazteko, Goebbelsi ondo baino hobeto ikasi zioten hori jardun horretan dabiltzanek. Eta hain zuzen horretarako da garrantzitsua hemen, segurtasun indarrak ETAren aurkako gerra irabazten ari direla erakusteko. Eta agian hala izango da, batek daki. ETAren jardueraren azken 30 urteak jarraitu dituenak, berehala ikusiko du erakunde armatuaren jarduera jaitsiera, edota polizi indarren eraginkortasunaren handitzea.
Baina horrek ez du ETArekiko garaipena ekarri eta denak adierazten du ez duela ekarriko. Eta ekartzen badu ere, horrek ez duela konponduko ETAren jardunaren atzean dagoen arazo politikoa. PSOEren eta PPren akordio berrietan ETAren amaierarako harekiko elkarrizketa erabiltzeari uko egin zaio berriz ere. Berdin da, dagokionean bestelakorik pentsatuz gero, ETArekin berba egingo delako, orain arte gertatu den bezala. Hala ere, zalantza barik, Zapatero-Raxoi akordio berri hau beste atzera pauso bat gehiago da su-etenaren hausturatik hona.
Jaurlaritzako hirukoari eta bereziki EAJri, aldiz, ondo datorkio, EAEko hauteskundeei begira PSOE eta PP elkarrekin agertzeak Patxi Lopezen irudia ahultzen duelako. Abertzale eta konstituzionalisten balizko emaitza parekatuetan, aldiz, PPk Lopez sostengatzea ere errazten du.
Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.
Espainiako Gobernua osatzen duten PSOEren eta Sumar alderdien arteko koalizioak aurkeztutako lege proposamena onartu dute Kongresuan ostegun goizean, frankismoaren apologia egiten duen edozein erakunde debekatuko edo legez kanpo utziko lukeena
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.
Eguzki elkarte ekologistak salatu du Donostiako parkean gertatutakoa. Parkean bizi diren hainbat paumari lumak erauzi dizkiote, odoletan utzita. Beraz, erasoa izan dela ondorioztatu dute eta ez dela hegaztien lumaberritze prozesu naturala izan. Eguzki
Algortako Larrañazubi inguruan dago kanpalekua, eta Getxoko Udaltzainek hori husteari ekin diote ostegun goizean. Alkateak adierazi du han bizi ziren pertsonen "segurtasuna" bermatzeko eta "ingurune natural hori zaintzeko" desegin dutela. Getxoko EH Bilduren... [+]
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Maiatzaren 5ean “Lo Vimos en Irun” WhatsApp taldea sortu zenetik, 700 lagun baina gehiago bildu dira larunbatetan patruilak antolatzen dituen taldera. “Segurtasuna bermatzeko” eta “delituak prebenitzeko” aitzakien gibelean, gorrotoaren haztegi... [+]
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
EAEko Justizia Auzitegi Nagusiak ezetza eman zion ABRA Arabako Errioxako Upategien Elkarteak bultzatutako sor-markari. Elkarteak helegitea jarri zion ebazpenari, eta orain Espainiako Auzitegi Gorenak ezetza berretsi du.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]