Izenak
Aitzol Aramaio zinema zuzendari ondarroarra Unai Elorriagaren SPrako tranbia eleberrian oinarritutako filma grabatzen ari da azken asteotan. Algortako Portu Zaharrean, Gorlizen, Bilbon, Portugaleten eta Zaldibian grabatuko du filma bost astez eta besteak beste, Daniel Brühl, Hector Alterio, Barbara Goenaga eta Ramon Barea izango ditu protagonista.
Deabruak Teilatuetan taldeak iragarri duenez, abenduaren 29an zuzeneko emanaldia eskainiko dute Tolosako Bonberenea gaztetxean. Urtarrilean hasi ziren berriro entseatzen eta disko berria ere prest dute. 1973 izango da lan berriaren izena, taldekideak jaio ziren urtearengatik, eta aurtengo urria edo azarorako kalean izango da. 1998. urtetik geldirik egon dira tolosarrak, ikasketengatik elkartzeko arazoak zituztelako.
Joxe Lacalle, Daniel Vélez, Maria Angeles Goikoa, Jaime Basterretxe, Javier Gallego, Txema Ormazabal eta Luis Ziarrusta argazkilarien lanez osatutako erakusketa paratu dute Zarauzko Photomuseum-en. Euskal kazetaritza grafikoa bere kasa du izena erakusketak eta orain dela hiruzpalau hamarkadako fotokazetaritza lanak biltzen ditu. Besteak beste Zeruko ARGIA, Egin, Sud Ouest, Deia edo Punto y Hora de Euskal Herria egunkari eta aldizkarietan kaleratutako argazkiak bildu dituzte. Irudian Jaime Basterretxek Kirk Douglasi elkarte gastronomiko batean atera zion argazkia.
Zirtzilak antzerki taldeak Goomet izeneko antzezlana estreinatu zuen joan den astean Aiherrako Denen Etxean. Bederatzi lagunez osatutako antzerki taldearen lehen obra da, nahiz eta lehenagotik baduten taula gainean eskarmentua: iaz Antton Lukuren Libertimentuan lanean aritu ziren eta horren ondoren sortu zitzaien taldea osatzeko ideia.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
37 euskal ikertzailek hartu dute parte asteartean Txiotesia7 lehiaketan. Mastodon eta X/Twitter sare sozialetatik zabaldu zituzten beren ikerketa lanak, euskaraz.
Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.
28 urteko Netiporn Sanesangkhom preso politiko thailandiarra hil da asteartean, gose greban 110. egunbete dituenean. Urtarrilean atxilotu zuten eta epaiketarik gabe zeukaten gatibu. Monarkiaren aurkako irainak egin izana egotzi zioten, 2020an eginiko protesta batean parte... [+]
