Imaz versus Ibarretxe, hori saldu du artikuluak

  • Josu Jon Imazen artikuluak bazterrak nahasi ditu, euskal gizarteko eremu politikoan oro har, baina nagusiki Jaurlaritza sostengatzen duen hirukoan eta, baita bere alderdian ere. Ez da samurra ulertzea zergatik jaurti dituen orain hausnarketok, baina testuingurua bederen oso esanguratsua da. Batetik, ETAk su-etenari amaiera eman dionean eta bestetik, EAJren barne mailan zuzendaritza hautatzeko prozesuaren atarian. Une oso garrantzitsuan, alderdiak bestelako politika markatzeko saioa dirudi.
Imazen iritzi artikuluak, bestalde, hautsak harrotu ditu, baina ezin esan bere edukia erabat berria egin denik, tankerako adierazpenak behin eta berriro egin baititu, ahoz zein idatziz eta, jakina da bere alderdian diskurtso horrek baduela aldekorik eta aurkakorik.

Su-etenaren amaieraren testuingurua hartuta, harrigarriena da nola islatzen duen Ibarretxe lehendakariaren erreferendumarekiko aurkako jarrera; edo hori da bederen gizartearen aurrean islatzen dena. Orain etorriko dira Imazen eta alderdiko beste batzuen ñabardurak eta azalpenak, baina horrek nekez estaliko du lehenbiziko inpresio hori, Ibarretxe estu hartu nahi dela alegia.

Ibarretxe lehendakariari dagokionez, bere azken bi legealdietako oinarria jartzen da zalantzan kontsulta bera zalantzan jartzean.
Ibarretxek eta Jaurlaritzaren Kontseilu Politikoak argi esan zuten iazko udan, su-etenak porrot egiten bazuen B plana gertu zutela eta berau zer zen erabat argitu ez bazuten ere, ahalezko ekimenaren ardatzean gehienek ikusi genuen Madrilek atzera botatako Ibarretxe plana eta kontsultaren itzala. Bake prozesuaren balizko porrotaren aurrean, ekimen politikoa berreskuratzeko lehendakaria eta hirukoaren borondatea argi gizarteratu zen.

Josu Jon Imazek ETAri ekimen politikoa kentzeko argudioa ere aipatzen du, baina beste norabide batean, ETAk kontsultaren aukera bere alde jarri dezakeelako. Argudio erabat kontrajarria da, ETAk bere biolentziarekin ekimen politikoa har ez dezan, ETAk egin dezakeen balizko erabilpenatik Jaurlaritzaren azken urteetako ardatz politikoa baldintzatzea. Batzuetan, badirudi benetako argudio baino, norberaren helduleku eta argudio gisa hartzen dela erakunde armatua. Auziaren iltzea ez dela ETA entzun da behin eta berriz azken sei urteetan, EAEko herritarren erabaki eskubidea baizik. Artikulu honek hankaz gora jarri du iltze hori, oraingoz bederen.

Ibarretxe buru Eusko Jaurlaritzak kontsulta egiteko bere hauteskundeetako agindua betetzeko asmoa azaldu duenean, EAk eta Ezker Batuak tinko sostengatu dute asmoa. EAJko zuzendaritza zegoen isil samar. Bada, etorri da erantzuna. Orain ere, EAJren bi gobernu aliatuek laster erakutsi dute Imazen artikuluarekiko desadostasuna. Ibarretxeren berben zain dago orain EAEko gizartea.

arre edo so, Nafarroako Gobernuaren eraketak ez du tarterik jada eta aste honetan ezagutuko dugu azkenean PSNk NaBai eta Ezker Batua hartzen dituen aliatu gisa Gobernu berrian, edo berau UPNren esku uzten duen.

Alternatiba UPNri gutxiengoan gobernatzea izango litzateke, baina nafar eskuindarrek nekez onartuko dute halakorik PSNko gutxieneko oinarri batzuk hitzartu barik. Zuloz betetako haitzulora argirik gabe sartzea bezalakoa litzateke, lehenengoan ez bada bigarren edo hirugarrenean zulora jauziko zaren jakitun. Eta UPNkoak ez dira horren inozoak. Hauteskunde berrien aukera ere hor legoke, baina denek baztertzen dute, oro har politikarien irudia biziki kaltetzeaz gain, bereziki PSN kaltetuko luke, gobernagarritasunaren giltza izanik, Gobernu berria eratzeko gaitasunik ez duela izan erakutsiko lukeelako.

araban tarte gehiago dago, datorren asteko 26an egingo baita Batzar Nagusietako osoko bilkura. Baina tarte txikia, hala ere. Eta ezin asmatu Txarli Prieto sozialistak eto Xabier Agirre jeltzaleak hartuko duen aginte makila. PPk du giltza hemen, eta Nafarroan gertatzen denak badirudi baldintzatuko duela Arabakoa. Asko dago jokoan, Araban bai eta EAJren baitan ere bai.

Kanal honetatik interesatuko zaizu: Juan Jose Ibarretxe
2021-06-01 | Axier Lopez
AEBetako inteligentzia zerbitzuek “terrorismoaren aurkako formakuntza” eman zioten Ertzaintzari Ibarretxeren garaian

2004an Ertzaintzak "antiterrorismoari buruzko formakuntza" jaso zuen AEBetako funtzionarioen eskutik, AEBetako Estatu Departamentuak desklasifikatu duen dokumentu batean agertzen denez. José María Aznarren gobernuak AEBetako nazioarteko politikei eta... [+]


Mas eta Ibarretxeren artean, Elorrieta falta zen Kursaalean

Artur Mas eta Juan Jose Ibarretxe. Bi lehendakari, bi ibilbide, amets bat: herrien erabaki eskubidea. Kataluniakoa nola doan azaldu zuen Masek, hemengorako bere klabeak Ibarretxek. Eta atzoko Kursaalen Joxe Elorrietaren izpiritua falta zen.


2017-02-22 | ARGIA
[ZUZENEAN] Ibarretxe eta Masen arteko hitzaldia

Kataluniako prozesua eta erabakitzeko eskubidea hizpide izango dute gaur arratsaldean Juan Jose Ibarretxe lehendakariak eta Artur Mas Kataluniako presidenteak Donostiako Kursaalen. Hitzaldiaren leku guzti beteta dagoenez, 19:00etatik aurrera zuzenean jarraitzeko aukera izango da... [+]


Sarek biktima anitzak elkartuko ditu bake eta bizikidetza jardunaldien baitan Gasteizen

“Giza eskubideak, Konponbidea, Bakea” jardunaldiak aurkeztu ditu Sarek. Azaroaren 28tik 30era bitartean Gasteizen egingo diren hiru mahai-inguruz osaturik egongo dira. “Bizikidetza, ezberdinekiko errespetua, elkarrizketa eta ekintza iraunkorra jendartearen... [+]


Eguneraketa berriak daude