XII. mendetik XVI.eraino euskal itsasgizonek bizi izandakoak azaldu zizkigun Miguel Laburu (1918-1999) historialariak De mare vasconum. La memoria perdida liburuan. Orain haren lagun mina izandako Jesus Lizarragari esker Pamiela argitaletxeak kaleratu du liburua, euskal itsas historia berreskuratu eta dibulgatzeko asmoarekin. Miguel Laburuk lan honetan Nafarroako Erresumak itsasoarekin izandako lotura agertzeaz gain, aintzinako itsasontzien arkitekturari ere eskaintzen die tartea, garaian garaiko ontzien ilustrazioak agertuz. Euskal bale arrantzaleei, agintariek hartu-emanetarako erabiltzen zituzten zigiluei eta herri armarraietan agertutako irudiei ere erreparatu zien egileak.