Albisteak 

1864. alea
2002-07-28
alde 0    kontra 0

UDALETAKO HIZKUNTZA PROFILAK

Jaurlaritzak emandako datuen arabera, udal funtzionarien erdiek egiaztatu dituzte hizkuntza profilak. Hizkuntza eskakizunen bat duten 15.577 postutatik 6.736k egiaztatzeko epe jakin bat dute. Bestalde, 3.299 funtzionariok jada egiaztatuta dute eskaintzen zaien 4 eskakizunetako bat, 1.418 postu hutsik daude, 559k ez dute eskakizunik egiaztatu behar adina dela kausa, 641ek profil apalagoa egiaztatu du eta 819k ez dute batere egiaztatu.


DEKRETU BERRIA PRESTATZEN

Nafarroako Auzitegi Nagusiak formazko akatsak zirela-eta indargabetutako dekretuaren eduki berak dituen dekretu berria prestatzen ari dela adierazi du Nafarroako Gobernuko presidente Miguel Sanzek. Haren hitzetan, aldaketa bakarra zera izango da: Nafarroako Euskararen Kontseiluaren eta Funtzio Publikorako Zuzendaritza Nagusiaren txostenak izango dituela.


UEU-REN MASTER ETA DOKTOREGO PROGRAMA

Udako ikastaroetatik negukoetara jauzi egiten ari da pixkana Udako Euskal Unibertsitatea. Izan ere, datorren ikasturtean «Hizkuntza teknologiak» masterra eta graduondokoa, «Herri erakundeen kudeaketa» graduondokoa eta «Euskal Herria XXI, euskal etorkizuna globalizazioaren garaian: komunikazioa, gizartea eta hezkuntza» doktorego programa eskainiko ditu. Hirurak titulazio ofizialak dira eta EHUk balioztatu ditu.



TERMINOLOGIA AZTERTZEKO BATZORDE BERRIA

Euskarazko terminologia aztertzeko eta euskararen erabilera sustatzeko batzordea sortzea erabaki du Eusko Jaurlaritzak. Hiru ardura nagusi izango ditu batzorde berriak: lan proposamenak egitea, lehentasunak jartzea eta aurrez egindako terminologiaren inguruko lanak bideratzea.



Facebook  Twitter  Delicious  Digg 
azala  
azala1863
 
azala1862

1864 zenbakia.
2002ko uztailaren 28a

   
Jaso egunero email bakarrean eguneko 10 albisteak. Eta astean behin, astekaria. Dohainik.

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys