Zein egoeratan kokatu nahi genuke ikuskizun baten aurrean kultur kontsumitzaile gisara? Plazan ez dakit zer jasoko dudan. «

». Kuriositatea. Plazan kontua ez da jada beste ekitaldietan ikusi diren edo ikus daitezkeen gauzak biltzea, kontzertu edo ikuskizun bakoitzari zerbait berezia bilatzea baizik. Definizio estilistikorik behar ez duen zerbait bat planteatzea. Gauza ezberdin asko gustatzen zaizkigu. Normalean ekitaldiak industriak oso mugatuak daude: musikan generoek agintzen dute entzule izango den publikoa. Zergatik ez sartu programa berean folk talde bat, antigoaleko musika egiten duen beste bat edota jazz abeslari bat. Plazak honetan batzen ditu: guztiek egingo dute zerbait ezberdina, euren egunerokoan ohikoa ez dena. Gertakizun bakarrak izango dira guztiak. Estetika ezberdinak erabili, eta hala ere elkarrekin lan eginez gero zerbait polita sor daitekeela imaginatzen duzu, ezberdina. Eta egin.

Egingo al dugu ikusi nahiko genukeen hori antolatzeko apustua? Zer ikusi nahi genuke inongo mugarik gabe? Donostiako Jazzle musika eskolako Sorkunde Idigoras eta Alberto Lizarralde ideiari bueltaka hasi ziren orain bi urte, kultur ekitaldien antolakuntzan ekimen pribatua ezohikoa den hirian. Ideia utopikoa. «

». Aurrekontu murritza. Sormenaren aldeko apustua mugarik gabe. Bertako jendearekin lan egitea beste abiapuntua da, baina mugak hautsiz ere. Nahikoa. Horrekin, sormen egonezinen bila hasten dira.

Produktu ezberdinak egiten badituzu oso zaila da zure produktu hori eskaini ahal izatea. Askotan planteaezina dirudi egin ahal izateak ere. Plazako sustatzaileak proposamen batekin iritsitakoan, artisten jarrera paregabea izan da. Oso ederra izan da antolatzaileentzat jendea prest egotea oso artista ezberdinekin proposamen artistikoak egiteko.
Kursaal. Plaza toki txikiago batean egitekotan izan ziren, baina horrek asko mugatuko zituen jardunaldiok. Azpiegitura handi hauek, berriz, eraiki bai eraikitzen dira, baina euren erabilpena zaila da. «

». Eta zergatik ez Kursaalean?

Gertatuko denari buruz informazio mugatua dago aldez aurretik. Pista txikiak ematen ahal dira soilik. Aretoa ez zegoen iradokizunetarako egokitua: «

». Ezinezkoa zen. «

». Ezin. Espazio sinbolikoa sortzea beharrezkoa zen, izendegi berria jarriz Kursaalaren espazio ezberdinei: Aretoa, Taberna, Arkupea, Plaza, Kafea, Fabrika. Jolas bat da: espazioa erabili, baina gure eginez. Iradokizun hutsa dira ekitaldi guztiak.

Fokoa puntu amankomun batean jartzea. Aitzakia.

Eskultore bat, musikariak, txori-gizona, aizkolari bi, hitza, txalaparta, eszenografia berezia. «

». Ostiralean, arratsaldeko 8etan Aretoan.

Fintasunez beteriko abeslaria, jazz bezala defini zitekeen musika, ECM zigilukoa. Inprobisazioaz baliatzen den ahots britaniarra. Sorpresa bat. Larunbatean, arratsaldeko 6etan Aretoan.

Martin Carthy folk britainiarraren oinarri bat da, eta Hiru Trukurekin batera kantatuko dute. Elkarren miresle izan arren, ez dute gaurdaino inoiz elkarrekin jo. «

». Larunbatean, gaueko 9etan Aretoan.
Antzerki Imaginarioaren Fabrika: Caja XXI Kutxa. Antzerki instalazio itzela: antzerkia, musika, dantza, arte plastikoak... «

». Ander Lipusen zuzendaritzapean, 100 pertsonatik gora biltzen dituen muntaia. Partehartzaileak: Mina Espazioa, Espacio Abisal, Txusma Teatro, Khea Teatro, On Lumiere eta Bilboko Abesbatzaren Euskeria koroa. Hiru emanaldi igandean, arratsaldeko 5etan, 6etan eta 7etan, Fabrikan, noski.

Musika barrokoaren gaineko inprobisazioak bere garaiko estiloan. Rolf Lislevand, kitarra barrokoa; Bjorn Kjellemyr, kontrabaxua; Pedro Estevan, perkusioa. Antzinako musikaren gainean inprobisatzea ez da egunero ikus daitekeen gauza. Igandean gaueko 9etan Aretoan.

Hitzaldi bat: Antonio Escohotadok: "El bosque y los emboscados", larunbatean arratsaldeko 4etan. Musikariei zuzendutako maisu klase bat: Ensemble Kapsbergerkoek, larunbat eguerdian.

Tailerrak larunbat eta igandean eguerdiko 12etan Arkupean: Literatura eta ilustrazioa; Magia; eta Sintetizadore-orkestra. Igandean arratsaldeko 5etatik aurrera haurrentzako ekitaldi bi euskaraz: Jose Mari Karrere ipuin kontalaria eta Txan Handia magoaren tartea. Antolatzaileen beste galdera bat: eta beste ekitaldiak ere haurrentzat, zergatik ez?

Hiru egunez ikusgai Arkupean eta Plazan: 1) Le Cirque Retinien: «

». 2) Jose le Piez-en «

». 3) Gorka Salmeronen «Paseoak eta Paisaia» argazkiak. 4) Jon Mikel Eubaren «Pandamask» bideo instalazioa. 5) «Baso Biziduna», Artelekuren bideotekako aukeraketa bat.

Ametsaren gauzatzea. Eszenatoki bat, aipatu ekitaldietako partehartzaile gonbidatu guztiak gehi beste lau: Ana Buitrago eta Nekane Santamaria dantzariak, Josetxo Silguero saxojolea eta Daniel Perez gitarrajolea. Hitzaldi informalak eta topaketa artistikoak. «

» Kafean artista ezberdinek ordubete izango dute gauerako kolaborazio labur bat prestatzeko. «

». Aukera hori oso garrantzisua da antolatzaileentzat: «

».

Nola lortu Plazara inguratzen den jendeak partehartzaileen jarrera berbera izatea. Nola azaldu parte hartzera datorren jendearen jarrera hori ilusioz betea. Sorpresa ahalmenari ateak zabaltzea. Ilusio horrekin joatea. Ateak zabaldu behar zaizkio publikoari. Aurreiritziak atzean utzi behar ditu jendeak. Publikoari jarrera aldaketa eskatzen zaio. Kuriositatea da gakoa, ikuskizunek ohikoa duten publiko mota gainditzeko. «

». Abonuak salmentan dira jada, eta sarrera solteak ostegunetik aurrera izango dituzu. Eskerrik asko parte hartzearren