"Gure helburua Eremu Atlantikoko erreferentzia nagusia izatea da"

1995eko urriaren 15an

Jose Garaiurrebaso Bilboko erakustazokako zuzendariari elkarrizketa
"Gure helburua Eremu Atlantikoko erreferentzia nagusia izatea da"
Juan Garaiurrebaso, Bilboko Nazioarteko Erakustazokako zuzendari nagu-sia
Amaitu dira Cita'95, Exma eta Industri Gailurra. Bilboko Nazioarteko Erakustazokak bere aurtengo erronka nagusia iragan du beraz, eta jadanik azaroako txanpari heldu beharrean dago. Juan Garaiurrebaso 43 urteko bilbotarra da bertako zuzendari nagusia azken hamaika urteetan eta berak azaldu dizkigu azokaren erronken nondik norakoak.
Cita '95 eta Industri Gailurra iragan dira jadanik; balantzea egiteko ordua da.
Urte osoko gure erakusketa garrantzitsuenak dira eta oso maila ona erakutsi delakoan nago. 152 postu egon dira eta elektronika, informatika, automozioa, logistika, burdina... eta beste industria sektore askotako jarduna agerian geratu da. Ekonomiak sasoi txarrak iragan ditu 90eko hasierako urteetan eta iazko Ferroforma eta makina-erramintaren biurtekoek, besteak beste, krisi amaieraren puntua adierazi zuten. Cita'95, Exma eta Industri Gailurrarekin gure industria zati oso garrantzitsu bat nola zegoen ikusteko aukera izan dugu. Eta, hain zuzen ere, lehiakortasun maila gorantz doala ikusi da.
Koalifikazio onarena bai entzun da, baina enpresa kopuru txikiagoa ere egon da.
Electran bai, iaz baino enpresa gutxiago egon da baina gainerakoetan alor guztietan enpresa kopuruak, eskuarki gora egin ez badu ere, mantendu egin da. Dena den, aurtengo desberdintasun nagusia eta aurrerantzean joera moduan agertuko dena, aktibitate desberdinen antolaketa izan da: Iberdrolak antolatutako Edison Foruma, non 300 pertsona bildu ziren; Telefonicakoan ere jende asko izan zen eta, horiez gain, hainbat sektoretako ekitaldiak antolatu ziren.
Bilboko Nazioarteko Erakustazokak inoiz baino promozio handiagoa eta zerbitzu hobea eskaintzen du baina erakustera doazen enpresa kopurua ez da igotzen. Enpresek ez dute ahalmenik?
Hemen ere, ekonomiako gainerako sektoreetan legez, lehiakortasuna gero eta handiagoa da. Electra, adibidez, lehen hemen bakarrik egiten zen baina gero Madrilen Matelec eta Bartzelonan Filalectricekin hasi ziren... Hots, gaur egun gozokia nagusiki hiru zatitan banatzen dela eta krisi gogor batetik atera den enpresariak ere non erakutsi hautatu behar duela. Zentzu horretan, kokapenagatik eta direna direlako, Madril eta Bartzelonak abantaila handiak dauzkate.
Aipatu duzun lehiakortasun horri dagokionez, lehiakortasun ez-leialari buruzko kexak ere entzun dira Bilboko Nazioarteko Erakustazokan.
Une honetan dagoen `gerra zikinari' buruz jardun izan dugu, engainagarriak diren eskaintzak, bisitariari ordaintzea, dohain eskainitako espazioak... eta hori guztia kutxa publikoek ordaintzen dute.
Zehaztu dezakezu gehiago?
Bartzelonan oraintxe makina-erramintaren feriarekin egindutena ez da oso zuzena. Orain arte Bilbokoa Estatuko makina-erramintaren azoka garrantzitsuena zen eta jarraitzen du izaten. Guk normalean urri aldera egiten dugu baina oraingoa datorren urteko martxorako iragarri genuen. Bada, guk hori iragarri ondoren Bartzelonakoak urrirako iragarri du makina-erramintari buruzko azoka. Ikusiko dugu zer gertatzen den, baina uste dut sektoreak ez duela parte hartuko Bartzelonakoan.
Zein da nazioarteko esparruan Bilbok eskaintzen duen maila?
Ona, eta sektore batzuetan puntakoa. Ferroforma, adibidez, Chicago eta Coloniakoaren ondoren ferreteria alorreko munduko garrantzitsuena da. Makina-erramintako Biurtekoa ere Europako bospasei onenetakoa da. Horien atzetik subkontratazioaren --industri tresneria lantzen duen sektore hori guztia-- alorra dator eta honetan ere, Paris eta Hannoverren ostean gurea izango da Europako garrantzitsuena. Jakina, indartsuak gara euskal industria indartsua den alorretan, gure betiko sektoreetan.
Nazioartekotze garai hauetan zuek ere atzerrira begiratu beharrean izango zarete.
Baina garbi daukagu zein den gure lekua. Aipatutako sektore horietan goi-mailan gaude eta beste batzuetan ere ondo moldatzen gara, baina bi urtetan zehar 40 erakustaldi egiten ditugu eta badakigu denetan ezin gaitezkeela goian egon. Gure helburua Eremu Atlantikoa deitzen den horren erreferentzia puntu nagusia izatea da.
Dena den, nazioartekotze puntu horri ere heldu diogu. Orain arte hemengo kontuetara mugatzen ginen, bezeroei Bilboko Erakustazokan gure zerbitzua eman eta kitto. Orain atzerrian ere gure zerbitzua eskaintzen diegu bezeroei, eta beste azoka batzuetan gure azpiegitura erabiliz hemengoei erakustokiak eraikitzen dizkiegu, esate baterako.
LETONA, Xabier
18,19

Gaiez\Ekonomia\Industria\Besteak
Pertsonaiaz\GARAIURREB1
Egileez\LETONA1\Ekonomia

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

Hauxe da Gaza suntsitzeko Israelen eta AEBen plana

Jonathan Cook

“Maite dut Iparraldean antzerkia egitea, uste baitut hemen kodeak ulertzen direla”

Gorka Peñagarikano Goikoetxea

Zorroza Gestión de Residuos enpresak onartu egin du Bassirou Dioneren gorpua mugitu zutela, lan heriotza ezkutatzeko

Aimar Gutierrez Bidarte | Aiaraldea

Lur bat, kolektiboa, itxaropen haziak ereiteko

Estitxu Eizagirre

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude