«Iazko salmenta berdintsuak egiten baditugu, aurten arrakasta izango dugu»

1993ko uztailaren 18an

Javier Ajona, EKO supermerkatien gerenteari elkarrizketa
«Iazko salmenta berdintsuak egiten baditugu, aurten arrakasta izango dugu»
Javier Ajona, EKO supermerkatuen gerentea
Asteasun dago EKO supermerkatuen zentrala. Handinahikeriarik gabe sortutako supermerkatu enpresa honek azken bi edo hiru urteetan harrigarri zabaldu du Gipuzkoan bere sarea. Eroski bezalako erraldoi handien alboan lehian, bezeroari tratu ona eskaintzeko filosofiarekin bere lekutxoa lortu dute.
ARGIA. EKO supermerkatuek maila ona lortu dute supermerkatuen sektorean. Zer berezitasun edo ezberdintasun du zure enpresak hori lortzeko?
JAVIER AJONA. Neurtu gaitza da, supermerkatua izan baitaiteke 300 eta 1.000 m2 dituen edozein komertzio, baina Gipuzkoa herrialdeko supermerkatuen % 30 inguru EKOk osa dezake.
Gure ezaugarriak, prezio merkeez gain, produktuen eskaintza zabala, hilkorren sailak izatea, lokal ahalik eta handienetan aritzea _erosleagandik gertu ahal den neurrian_ eta ofertak sarri egitea.
A. Azken hilabeteetako atzerakada ekonomikoaren ondorioek zein neurritaraino eragin dizuete?
J.A. Merkatal arlo guztiak ukitu ditu atzerakada ekonomikoak, baina guk jasandakoa agian ez da, adibide bat jartzearren, autoen merkatuak jasan duena bezain larria. Gure sektorean, iazko salmenta berdintsuak egitea lortzen duenak arrakasta izango du.
A. Pabilioi anitz biltzen dituzten lur sail handietarako joerak geldiezina dirudi. Horren aurrean, supermerkatuak merkatu formula legez iraungo al du?
J.A. Oso garrantzitsua da joera hori. Guk, supermerkatu bezala, bezeroa ahalik eta hobekien tratatu behar dugu, berak tratuari ere garrantzia ematen baitio. Ordutegi erosoa jarri behar zaio, prezioek egokiak izan behar dute, eskaintza zabala eta hilkorrak diren produktuak mimatu egin behar dira.
A. Zure enpresa Gipuzkoan kokatuta dago. Euskal Herria, Espainia eta Europarekiko harremanak nola bideratu dituzue?
J.A. Estatuko sare batean sartuta gaude, Vivó S.A. izenekoan. 120ren bat enpresa gaude. Madrilen dago zentrala, eta bertatik bideratzen da «Baldintzen plantilak» izeneko banaketa. Sistema honen bitartez, banatzaileekin tratua Madrilen sinatzen da eta horrela jasotzen du elkarteko partaide bakoitzak behar duen merkantzia. Hemengo banatzaile batzuekin ere kontratua badugu. Europako antzeko sareekin harremanetan jartzeko asmoa ere bada.
A. Nola aurrikusten duzu EKOren etorkizuna Eroski bezalako erraldoien alboan?
J.A. Eroskik kezkatzen gaitu, eta horregatik saiatzen gara ahalik eta ondoen lan egiten. Hori eginez gero, ez dago kezkatu beharrik, ezin baitute dena beraientzat hartu. Uste dut iraun ahal izango dugula.
Amagoia Iban
20-21

GaiezEkonomiaerbitzuakKomertzioa
PertsonaiazAJONA1
EgileezIBAN1Ekonomia

Irakurrienak

Matomo erabiliz

MAPA | Zer bozkatu dute zure bizilagunek?

Asier Iturralde Sarasola

Sinesmenek ez dituzte mendiak mugitzen

Mati Iturralde

Iaz gehien mailegatu zen euskarazko liburua, Nerea Ibarzabalen 'Bar Gloria'

Gorka Peñagarikano Goikoetxea

Zoriona banatzeko prozesu demokratikoa

Gorka Bereziartua

Aldaketa mugatuak eta jarraikortasuna gobernuan

Asier Blas Mendoza

Azkenak

2024-04-24 | Imanol Satrustegi Andrés

Izan bedi Nurenberg berri bat

2024-04-23 | Gorka Peñagarikano Goikoetxea

Uztailean hasi nahi du Erresuma Batuak migratzaileak Ruandara deportatzen

Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]

2024-04-23 | Euskal Irratiak

Sexualitate askeen aldarria Atharratzen, Bekat'uros egunean

2024-04-23 | ARGIA

2x15: Lehen suitzar dopatua

MULTIMEDIA - Oroimen Histerikoa

2024-04-23 | Mikel Aramendi

ANALISIA

Gizateriaren herena baino gehiago

Eguneraketa berriak daude