«Estatu espainiarraren paretaren kontra joko dugu Alcalá kasuan ere»

1992ko ekainaren 07an

Jone Goirizelaia, HBko Eusko Biltzarraren parlamentariari elkarrizketa
Jone Goirizelaia, Eusko Legebiltzarreko Parlamentaria HBren Izenean:
«Estatu espainiarraren paretaren kontra joko dugu Alcalá kasuan ere»
Mungiarra dio berak, baina amak Bilbon jaio zela gogora erazten diola ere gaineratzen du abokatu bizkaltarrak. 35 urte ditu. Bi urte daramatza parlamentari gisa, eta 10 zuzenbidean murgildurik. Azken boladan protagonismo handia hartu du politika kostituzionala eta zuzenbidea nahasten diren auzi korapilotsuetan: Etxebarria parkea, El Salto del Negro... Alcalá kasuan ere salaketa partikular gisa dihardu, eta, dioskunez, ekainaren 8an burutu beharreko epalketa udazkenera arte atzeratuko da seguru asko.
ARGIA. Legebiltzarrera puntualki joatea erabaki zenuten, baina ba al duzue parte hartze hori zelanbait arautzen duen erizpiderik?
J. GOIRIZELAIA. Maila horretan lehengoarekin jarraitzen dugu, parte hartzearen erizpideak ez dira aldatu. Gure ustez euskal gizartearentzat funtsezkoak diren gaietan parte hartuko dugu eta horretarako ez dago erizpide zehatzik. Unean uneko aktualitateak agintzen digu noiz joan.
A. Zer inpresio jaso duzu Eusko Legebiltzarraz?
J.G. Legebiltzarre horrek txiste tankera du. Eserlekuak erdi hutsik, dauden parlamentariak egunkaria irakurtzen, edo pasiloetan berriketan... - Bilkura goizeko bederatzietan hasten bada, gu egon garenean behintzat, han puntuan geunden bakarrak gu ginen. Hilean bi bilkura egiten dira, horrez gain, astean batzordeko bileraren bat. Gehiago ez. Beraz, irabazten dutena kontuan hartuta –sarritan agertu izan da prentsan estatu mailan gehien kobratzen dutenak direla– lotsagarria da.
A. Politikoki HB oso bakartua egon da. Eusko legebiltzarrera joaten zaretenean nabaritzen al da hori gainerako alderdietako kideen jarreran?
A. Berba egiten dugu baina normalean beste alderdietako parlamentariekin ez daukagu harreman handiegirik. Gainera mundu hori oso diplomatikoa da. PPk azaldu izan digu bere haserrea. Beste alderdietakoek ere antzera pentsatuko dute baina ez dute horrenbeste erakusten.
A. Alcalá auzian ere akusazio partikular moduan ari zara, epaiketa behin atzeratu zen, nola dago orain auzia?
A. Epaiketáren prestaketa prozesuan badago sumarioaren amaiera doitutako unea. Une honetara helduta, alde batek zein besteak froga gehiago eska ditzake. Orduan, sumarioaren amaieraren ondorengo diligentzia edo eginbideak Ynestrillasen abokatuari pasatzea ahaztu zitzaien eta orain abokatuak prozesu guztia sumario amaierara itzultzea eskatu du; eta, beraz, lehen izan ez zuen aukeraz baliatuz, froga gehiago eskatuk du. Epaiketak ekainaren 8an burutu beharko luke, baina aipatutako arazoak epaiketa atzeratuko du.
Horrez gain, orohar sumarioarekin ados bagaude ere, Estatu espainiarra auzian sartu behar dela uste dugu, eta horretarako Estatuaren erantzukizun subsidiarioa eskatu dugu. Epaileak Estatuari eskakizun hori luzatu behar dio, ea honek bere gain hartzen duen ala ez. Eta horrek ere bere denbora eramango du.
A. Azalduko zenuke Estatu espainiarraren erantzukizun subsidiario hori zertan datzan?
J.G. Angel Duce poliziak atentatuan bere ofiziozko pistola erabili zuen. Horrela dela frogatuko balitz, Estatuaren ardura litzateke. Prozedura formal hutsa da, Estatuak ez duelako hori onartuko, baina garrantzitsua da eskaera hori egitea, bestela gero ezin da egin eta.
A. Ynestrillasen askatasunaren inguruko gorabeherak ere hor daude...
J.G. Bere abokatuari epaiketa atzeratzea komeni zaio. Horrela, espetxeratu zutenetik bi urte iragango liratekeelako, baina ez dut uste askatuko dutenik. Legearen arabera, epaitu barik preso batek ezin du urte hi baino gehiago egin espetxean. Dena den, lau urtera arteko luzapen bat izan daiteke. Orain arte, horrelako kasuetan, terrorismo moduan sailkatzen dituzten kasuetan, espetxe denbora luzatu egin ohi dute. Eta epaiketa luzatuz gero –horrela izango da seguru asko, urri edo azaro aldera burutuko litzateke.
A. Zer itxaroperz duzue epaiketaren emaitzaren inguruan?
J.G. Handirik ez. Guk argi daukagu Estatu espainiarra leporaino sartua dagoela, baina eurek eskuin muturraren kontu isolatu modura utzi nahi dute. Euren asmoetarako, atentatuaren egileak hor daude eta kitto. Atentatua Josu Muguruza hiltzeko egin zen, baina Estatuak, Jon Idigoras eta Iñaki Esnaola hiltzeko izan zela eta Josurena kasualitatez gertatu zela sinestea nahi du. Eurek bazuten Josuren garrantziaren berri, negoziatzen izan zela... Dena den, epaiketa amaitu eta haritik tiraka jarraituko dugu, ea zerbait ateratzen den. Erantzuna aste honetan eman behar digute.
A. Zein da epaileen jarrera?
J.G. Auzia Garzónen eskuetan dago, eta bera epaile justizieroa da. Bere jarrera ona izan da, baina une batetik aurrera, hark ere Estatuaren paretarekin topo egiten du, eta gauzak eskatu arren ezertxo ere ematen ez bazaizu, ez dago ezer egiterik. Amedoren auzian Estatuaren ezkutuko diruarekin hori gertatu zen.
A. Presoen abokatu moduan, oso gertutik jarraitzen duzu euren egoera eta azken boladan inoiz baino gehiago hitz egiten da beraien gainean.
J.G. Presoei dagokienez Ignacio Latierro, lehen PCEkoa zena eta egun PSOEn dagoenak, oraintsu Eusko Legebiltzarreko Giza Eskubideen Batzordean aipatutako berbak aski adierazgarriak dira: "Bakea lortzeko baldin bada, guztia da zilegi". Nahiz eta urte honetarako itxaropen handiak zeuden, presoek argi dute luzarorako izango dela. Espetxeak nekatu egiten du eta preso asko hala daude, baina, hala ere, gatxi dira edozein modutan kalera ateratzeko prest daudenak. Azken hauek zenbat izango diren? 20, 30, 40... Gehiago ez. Zabaltzen ari dena baino askoz ere elkartuago dande.. Gobernuak badaki presoak mugimenduaren alderi ahulena direla, eta beraz, eurez baliatzen da ezker abertzalea zatitu asmoz.
Xabier Letona
8-9

GaiezPolitikaEuskal HerrErakundeakLegebiltzar
GaiezPolitikaEuskal HerrTaldeakAlderdiakHB
PertsonaiazGOIRIZELAI1
EgileezLETONA1Politika

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Zenbat dugun kontatzeko!" Euskal Herriko mapa sortu dute

Euskal Irratiak

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Nire burua duela 20 urte bezain indartsu ikusten dut"

Euskalerria irratia | Miren Mindegia

Efemeridea: Joxepa Antoni Aranberri ‘Xenpelar’ bertsolariak neskazaharrren defentsan bertso sorta argitaratu zuen

ARGIA

Israel ahulduta eta Iran boterea hartuta

Asier Blas Mendoza

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude