«Hogei-Ta-Sei Konterrietatik Aldegin Zuten Bide Beretik Joango Dira Beste Seietatik»

2021eko uztailaren 23an

IRArekin urte berriko elkarrizketa
«Hogei-Ta-Sei Konterrietatik Aldegin Zuten Bide Beretik Joango Dira Beste Seietatik»
Okupazio indarren koartelen kontrako ekintza sail batekin agurtu zuten irlandarrek urte zaharra. Egun gutxi geroago (urtarrilaren biko alean), An Phoblacht errepublikar astekarian IRA ko partaide batekin elkarrizketa bat argitaratze zen; daukan interesaz gurean ere kaleratze! dugu.
G.–Atzera begira, zure ustez zer gertatu da esanahikorrik pasa den urtean?
E.–Gure mugimenduaren indartze bat nabari dugu. Nahiz eta Newry-n bederatzi RUC hil genituenez gero soldadu britaindarrak gehiagotu diren, IRAren morterokadak ugaritu dira. Edozein traba jartzen dutelarik ere, IRAren boluntarioek borrokan jarraitzeko daukaten asmoa erakutsi dute. Ezerk ez ditu gelditu arazten. Eta hori da Maggie Thatcher-ek eta bera bezala bizi direnek sekulan ulertuko ez dutena, hain medio gutxirekin, hain kondizio eskasetan, nola segi daitekeen, eta oso da sinplea, herriak libre izateko erabakia hartu du eta beste deusen gainetik hala izango da.
G. - 1985ean beste inoiz baino RUC-eko jende gehiago hiltzeak ba ote du esanahi berezirik? (RUC bertako polizia bat da, bretaindarren zerbitzuan).
E.– RUC-eko partaide gehiago erortzearen arrazoi bakarra inglesek gerraren abangoardian ipintzen dituztena da. Hori geroz eta gehiago egiten dute, eta taktikaren zergatia erraza da: bretaindar herriak ez dezala gerra hau bere gerratzat sentitu: bertakoak dira batzuk besteekin borrokatzen direnak; ez da gauza berria munduan; eta oso da manipulatzen erraza; izan ere bertako protestanteek uste dezaketenez, gu ez gara ari bretaindarrak atera daitezen borrokan, beren kontra baizik. Baina gure gerra Bretainarekin da, eta horiek, RUCekoak, inglesen punta diren neurrian atakatzen ditugu. Berek ezin esan lezakete beren buruez irlandarrak direnik, bestela ez lirateke saiatuko bretaindar izaten segitzen–aldiz Errepublikaren gobernuak hori pretenditzen du, irlandar batzu beste batzu hiltzen ari garela.
G.–Zuen urte amaierako kanpainia militarrarekin, Londres eta Dublin arteko akordioa nola edo hala hautsi nahian zabiltzatela, interpretatu dute komunikabideek. Zer, horretaz?
E.–Bai, horrela interpretatu dute ; batek pentsa lezake akordio hori sinatu zen artean IRAk ez duela behin ere tirorik jaurtiki. Guk akordio horretaz balorapen txarra egiten dugu. SDLP eta Dublingo gobernuak irudi aurrerakoi bat aurkeztu nahi digute, akordio hori estatuaren batasunaren aldeko pauso bat bailitzan. Historikoki. «nazionalista konstituzionalistek » mantendu dute bretaindarrek hizketa bidez atera daitezkeela Irlandatik, aldiz hogei-ta-sei konterrietatik IRAren presio bidez baizik ez ziren joan, eta sei konterrietatik ere gisa berean hanka egingo dute.
G.–Bretaindarren eta Errepublikako agintarien geroz eta gehiagoko kolaborazioak beharbada bigarrenaren aurkako enfrentamendura eramango zaituzte...
E.–Gure posizioa oso garbi dago , horretaz. Ez dugu gure boluntario eta hogei-ta-sei konterrietako indarren artean borrokarik nahi. Errepublikako zenbait estamentutan nahi lukete hori gerta ledin, bretaindarrekin kolaborazioa gehitu ahal izateko eta hegoaldeko jendeak iparraldeko errepresioa ordaintzen eri duelc estali behar ez izateko. Sei konterrietako irlandar gehienak gure alde daude, askatasun borroka bat ikusten bait dute. Herria nahasiko lukeen eta bretaindarren okupazioa biderraztuko lukeen gatazka berri batetan ez dugu sartu nahi. Sei konterrietan dauden tropa bretaindarren kontra ari gara. Gure gerra bretaindarren kontrakoa da eta bere armadaren kontrakoa.
G.–Joan den urtean IRAk pertsona batzu hil zituen boluntarioen informazioa eman zutelako: nola esplikatzen dituzue ekiniza horiek?
E.– Urrian Strabane-n exekutatu genuen informatzailea, Damian Mc Crory, ejenplu klasiko bat da, horrelako ekintzak zergatik egin behar ditugunaz. Informatzaileak exekukatuko ez bagenitu, gure boluntarioak akabatzen segituko lukete, gizon horrek egin zuen bezala, otsailean bretaindarrei hiru errepublikar gazte hiltzen laguntza eman zielarik.
G.–Nola darama IRAk sei konterrietako eskualde nazionalistetan ematen den aktibidade kriminalaren arazoa?
E.– Gure politika da, baldin eta antolatutako kriminalen nukleo baten aurrean bagara, exekutatzea badugula. Aldiz, beren bizimodu pobreagatik horretaratzen diren gazteekin, kontrolatzearena baino, erakunde komunaleen politika nahiago dugu. Alditan horien aurka ekin Beharrean aurkitzen gara, baina gure bizimoduak avitz mugatzen gaitu lan horretarako. Zenbaiten ustetan, eskualde nazionalistetan RUC sartu dadin utzi beharko genuke, problema horrekin bukatu dezan. Ikusia dago ordea, RUCek libre utzi izan dituela delinkuente ezagunak, IRA distraitzeko asmoz. Egoera zaila da. Kriminalak hazten uzten badugu, lagun errepublikarrak hiltzera irits daitezke. IRAk ez badie buru egiten horiei, herria desmoralizatu egiten da. Bide errealista bakarra eta aldi berean konstruktiboena, eskualdeko jendeari laguntza ematearena da, kriminalen aurka antolatu dadin. Behar izanez gero, noski, IRAk zuzenkiago interbenitu dezake, aurten Edward Taggart-en kontra egin duen bezala; bi belaunetan tiro ematera joan gintzaizkion, berak boluntarioak desarmatzen saiatu zen ordea eta hil behar izan zuten.
G.– Zer panorama ikusten duzue urte berri honetarako?
E.–Gatazka biziagotuko da. Gure lan nagusia herria datozen erasoetatik defendatzea izango da. Britainiarren kontra ekingo dugu, ahal dugun lekuan eta ahal dugun bakoitzean. Hori hala izango da, harik eta bake-bide bakarra berek aldegitea denaz komenzitzen diren arte. Torturak, errepresioak ez dute bakerik ekarriko. IRAk bota egin zituen britaindarrak hogei-ta-sei konterrietarik, eta gainontzekoetatik ere botako ditu. Horrexetan saiatuko gara, etsaiari ahalik eta galerarik handienak- eraginez, okupazioa gogor gerta dakien, konfiantza gal dezaten eta lehenbailehen joan daitezen hemendik.
16-17

GaiezPolitikaNazioarteaGerra/IraulIpar Irland

Irakurrienak

Matomo erabiliz

Moja faxisten istorio harrigarria

Gorka Bereziartua

Lau, hiru, bi, bat… Gora Olatukoop! Ekonomia eraldatzailearen festa Donostian

Urko Apaolaza Avila

"Torturak ama eta alabarengan sorturiko zauria arintzen lagundu du dokumentalak"

Mikel Garcia Idiakez

'Lurrez estali', laborarien errealitatea oholtzara eramango duen Axut! kolektiboaren obra berria

Gorka Peñagarikano Goikoetxea

Ezohikoak dira euri-jasak?

Leire Artola Arin

Netanyahu eta Hamasen buruzagitza atxilotzeko eskatu du Hagako Auzitegiko fiskalak

Lander Arbelaitz Mitxelena

Azkenak

2024-05-21 | Axier Lopez

Kolonialismoaren ABDa

2024-05-21 | Alaine Aranburu Etxegoien | Oarso Bidasoko Hitza

Hondarribiko Udalak aitortza egin die Asturiagako hondartzan hildako bi biktimei

Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".

2024-05-21 | Gedar

Hamabi lagun ikertzen ari dira, Castejonen CAF-Trenasaren kontra egindako protesta bat dela-eta

Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.

2024-05-21 | Lander Arbelaitz Mitxelena

Surf parkerik ez dute eraikiko Donostiako Antondegin, udal gobernuak atzera egin du

Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]

2024-05-20 | Hamaika Telebista

Ar Redadeg Bretainia zeharkatzen ari da, bretoieraren alde

MULTIMEDIA - Albistea

Eguneraketa berriak daude