Kanadako Gorte Federalak ebatzi du Zisjordaniako ardoak ezin direla Israelgo produktutzat saldu. Arrazoien artean, etiketatze hori "faltsua, okerra eta engainuzkoa" dela argudiatu du auzitegiak.
Herritar baten salaketaren ondorioz hartu dute erabakia epaitegiek. 2017an, jatorri judutarra duen David Kattenburgek kexa luzatu zion Kanadako Elikagaien Inspekziorako Agentziari, Psagot eta Shiloh upategietako ardoak Israelgo produktu bezala etiketatuta zeudela, baina Zisjordanian ekoizten zirela jakin zuenean.
Hasiera batean elikagaien agentziak etiketa kentzea onartu zuen, baina erabaki hau atzera bota zuen Kanadaren eta Israelen arteko Komertzio Askerako Ituna dela eta. Itun horrek Palestinako lurralde okupatuak Israelgoak direla onartzen baitu.
Horren aurrean, Kattenbug-ek Kanadako Elikagaien Inspekziorako Agentziaren erabakiari apelazioa egin zion, argudiatuz lurralde okupatuak Kanadak eta nazioarteko komunitateak ez dituelako Israelgo lurraldetzat aitortzen. Hala, Kanadako Gorte Federaleko epaileak onartu du Israelgo produktutzat saltzea faltsua eta engainuzkoa dela.
Frantziaren antzera
Antzeko kasu bat irekita dago gaur egun Frantziako Estatuan; izan ere, Psagot upategiko ardoak Israelgo produktutzat saltzea debekatu dute Frantzian, Zisjordaniako kolonia israeldarretan egindako ardoak Israelgo "asentamentuetan" egindako produktu bezala saldu beharko dituzte hemendik aurrera.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Maulen eta Baionan egon berri da Pierre Stambul, Palestinaren alde dabiltzan kolektiboek gomitaturik. Judu laikoa eta nazien genozidioa hurbiletik ezaguturikoa da, bere amaren alde guztia deuseztatu zutelako. Erresistente komunistak zituen gurasoak, aita Manouchian talde... [+]
Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]
EHUko hainbat klaustrokide, irakasle-ikertzaile, ikasle zein TEKAZEL kolektiboaren langileek sustatu dute ekimena. EHUko kideen ordezkaritza organo gorenean parte hartzen duten 240 kideen artean, gehiengoaren babesa lortu dute.
Nafarroako BDZtako bi kide kateatu dira Espainiako Gobernuaren Ordezkaritzara, Iruñeko Merindadeen plazan 11:30ean. Beste 30en bat lagunek lagundu dituzte kateatuak Israeli boikota eta harekiko harreman diplomatikoak apur ditzaten eskatzeko ekimenean.