Zer ikasi dugu Harrisburgen eztandaren ondoren?

  • Three Mile Island zentraleko istripu nuklearraren 38. urteurrena bete da, AEBetako historiako larriena, eta munduko hirugarrena. Zentralak ihes bat izan zuen eta substantzia erradioaktiboz betetako burbuila bat zabaldu zen zentraletik kanpo. Harrisburgen irakaspena, baina, ez zen nahikoa izan Txernobyl eta Fukushimako istripuak saihesteko, ezta zentral nuklearrak ixteko ere.  


2017ko martxoaren 30an - 11:43
Three Mile Island zentral nuklearra

1979ko martxoaren 28an industria nuklearrak ezinezkotzat jotzen zuena gertatu zen Three Mile Islandeko zentralean: ihes baten ondorioz hozteko likidoaren jarioa eten eta erreaktorearen nukleoa urtu zen. Ondorioz, nukleoaren tenperatura kontrolik gabe igotzen hasi zen, baina inor ez zen konturatu, hamar ordu igaro arte. Hidrogeno burbuila handi bat sortu zen, tritio erradiaktibo askorekin, eta zentraletik kanporatu zuten, leherketa saihesteko. AEBetako Nuklearrak Erregulatzeko Batzordeko ikuskatzaileek sekretuan mantendu zuten gertatutakoa bi egunez.

Istripuak osasunarengan eragindako kalteen inguruan eztabaidak izan dira. Datu ofizialen arabera 10 milioi kurio irten ziren; txosten independente baten arabera, ordea, zifra hamar bider handiagoa izan zen. Ecologistas en Acción taldearen arabera, hartutako neurriak eskasak izan ziren. Istripuaren ondoren inguruko biztanleen gaixotasunak ugaritu egin ziren: sortzetiko malformazioak, minbizia eta arazo psikologikoak.

Harrisburgeko ezbeharrak ezbaian jarri zuen energia nuklearraren erabilera. Nuklearren aurkako oposizioa handitu zen, argi geratu zelako mota honetako zentralak arriskutsuak zirela, eta nuklearrak garestitu egin ziren, segurtasunerako inbertsioak handitu behar izan zituztelako.

Baina ez zen nahikoa izan industria nuklearra geldiarazteko. 1986an Txernobylgo istripua gertatu zen eta 2011n Fukushimakoa. Halere, egun 450 erreaktore nuklear daude munduan eta Espainiar Estatuan zentralen funtzionamendua 60 urtera arte luzatu nahi dute, Ecologistas en Accionek salatu duenez.


Kanal honetatik interesatuko zaizu: Istripu nuklearrak
Energia nuklearraren ekoizpena maximo historikoan: seguru al gaude?

Nazioarteko Energia Agentziaren esanetan 2025ean inoiz baino energia nuklear gehiago produzituko da munduan. Nuklearren bultzada berri baten aurrean gaude, baina erreaktore eta zentraletan izaten diren “gertakariak” ikustea besterik ez dago hartzen ari garen... [+]


Istripu nuklear baten arriskuaz kezkaturik, Zaporizhiako zentralerako bidean da IAEA

Erasoek ez dute etenik martxoan Errusiako armadak bere egindako Ukraina hego-ekialdeko zentralean eta bi aldeek batak besteari leporatzen dizkiote bonbardaketak. Hondamendi nuklear bat saihesteko asmoz, hara joango da Energia Atomikoaren Nazioarteko Erakundeko delegazioa. Egun... [+]


Zaporizhiako zentral nuklearra ez dute ikuskatu oraindik

Zentral nuklearraren inguruko bonbardaketen erantzulea Ukraina izan dela dio Errusiak, eta Ukrainak Errusia izan dela, berriz. Egoera oraindik arriskutsua dela ohartarazi du Boris Zhuikov erradiokimikan adituak.


Fukushimako lurrikara, tsunamia eta istripu atomikoa gogoratu dituzte zazpigarren urtez

Londrestik Tokyora, Paris eta Madrilen barrena, ugariak izan dira 2011ko martxoaren 11 ilun hartan Japonia azpikoz gain jarri zuten hondamendien oroitzapenezko ekintzak. Urtetik urtera oihartzun gutxiago dutenak, hori ere egia. Hondamendiaren orbanak erraz ahazten baitituzte... [+]


Agur eta ohore 2017, lurtarrok Rutenio 106 ezagutu genuen urtea

Udaberrian ikasi genuen Torio, Norvegiako Haldengo zentraletik ihes eginda Europan barreiatu zen kutsagai erradioaktiboaren izena. Udazkenean egokitu zaigu Rutenio 106 ikasi beharra, baina oraindik inongo agintarik ez du aitortu ez non, ez zein istriputan, ez nori egin dion ihes... [+]


Eguneraketa berriak daude