Eusko Jaurlaritzak Verter Recycling 2002 SL enpresari Zaldibarko zabortegia zabaltzeko baimena eman dio. Oraingo zabortegiaren eremuan 68.555 metro koadrotan 804.000 metro kubiko hondakin metatu ahal izango ditu bertan.
EiTBk zabaldu duenez, Zaldibarren gainbehera etorri zen zabortegiaren ondoan, Motia mendiaren magalean dauden bi sakonera, 68.555 metro koadroko azalera hartzen dutenak, erabiliko ditu Verter Recycling 2002 SL konpainiak lehengoaren anpliazioa egiteko. 804.000 metro kubo hondakin biltzeko ahalmena izango du, 13,4 milioi euro kostatuko da eta –EiTBren hitzetan– "lurperatutako bi langileen bilaketarekin jarraitzea eta lursaila egonkortzea ziurtatuko du". Zaldibarko desastreak zabor-mendiaren azpian harrapatu zituen Alberto Sololuze eta Joaquin Beltranen gorpuak ez dira oraindik azaldu.
Ingurumen Sailak kontuan hartu omen ditu kokalekuaren "egokitasuna", ingurumenean duen eragin "txikia" eta epe ertainean induskatzen eta mobilizatzen jarraituko diren hondakin irristatuak hartzeko gaitasun handiagoa. Zaldibarko zabortegiaren handitze hau eraikitzeko aurreikusitako epea 20 hilabetekoa da, obrak hasten direnetik ixten diren arte, baina faseka egitea aurreikusi dute.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.