‘Zaldi urdina’ antzezlana Luhuson estreinakoz: drogak utzitako arrastoan jokatua
Axut, Dejabu eta Artedrama konpainiek sortutako Zaldi urdina antzezlana Luhuson estreinatuko dute urriaren 11n, ostiralez. Drogak Euskal Herrian eragindako desmasiak taularatuko dituzte talde horietako jokalariek.
aurre egingo dieten hedabide independenteak
Zaldi urdina antzezlan berria da, alta, laugarren aldia da Axut, Dejabu eta Artedrama konpainiak elkarrekin ari direla: Errautsak, Hamlet eta Francoren bilobari gutuna obra arrakastatsuak taularatu zituzten aurretik.
Oraingo honetan ere iraganari begira jarri dira antzez egileak eta orainean kokatu. Drogak Euskal Herrian utzi zuen arrastoak, memorian txertatua, familietan eragindako zauria bizirik dirau.
Aingeru, 17 urteko mutil gaztearen istorioa eramango dute oholtzara: desagertu egin da, tekno jaialdi batean gazte bat bihotzekoak jota hil ondoren. Zaldi urdina deitutako droga berriak eragin dio heriotza gazteari. Polizia Aingeruren xerka hasiko da, trapitxeroa bera den ustean.
Ximun Fuchsek zuzendu du lana, Ainara Gurrutxagaren laguntzarekin. Aktoreak berriz, Ander Lipus, Manex Fuchs, Urko Redondo, Miren Alcala, Oier Zuñiga, Edurne Azkarate eta Olatz Beobide dira. Taldearekin batera lanean aritu diren Igor Elortzak eta Unai Iturriagak ondu dute testua eta ekoizpenean parte hartuko dute Asier Ituartek (musika), Philippe Ducouk (koreografia) eta Josep Duhauk (argiztapena) ere.
Urriaren 11n Luhusoko Harri Xurin egingo den estreinaldiaren ondoren, herriz herri ibiliko da antzezlana. Artedramaren webguneko agendan ikus daiteke non eta noiz jokatuko duten hurrengo hilabeteetan.
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]
Heriotzak Eduardo du izena
- Egilea: Formol konpainia (eta Ander Lipusen manifestua)
- Non: Modelo Aretoan, Zarautzen, Literaturia jaialdia
- Noiz: Maiatzaren 23an.
-------------------------------------------------------------
Bunker batean garatzen da antzezlana... [+]
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]