Zaintza sistema publiko eta komunitarioa aldarrikatu dute Hego Euskal Herriko hiriburuetan

  • Denon Bizitzak Erdigunean lelopean, Euskal Herriko Mugimendu Feministak ekintzak antolatu ditu irailaren 20an Hego Euskal Herriko lau hiriburuetan. Ekintzen bidez, zaintza negozio iturri bihurtu duten eragileak interpelatu dituzte. Mobilizazioak baliatu dituzte azaroaren 30erako greba feminista orokorrera deitzeko.

Bilboko mobilizazioa. Argazkia: EHko Mugimendu Feminista.

2023ko irailaren 21an - 13:07
Azken eguneraketa: 15:40

Bilbon, EAJren egoitzaren aurrean, Sabin Etxean, egin dute mobilizazioa. Mugimendu feministaren iritziz, Bizkaiko zaintzako azpiegiturak negozio iturri bihurtzearen arduradun nagusia da EAJ. Iruñean, Atzerritarren Legearen aurkako protesta egin dute Espainiako Gobernuaren atzerritarrentzako bulegoetan. Donostian bi gune aukeratu dituzte protestarako: Gipuzkoako Foru Aldundiaren Gizarte Politikako Sailaren aurrealdea eta Intxaurrondo auzoko Txara gunean. Inguru horretan hainbat zahar egoitza dago. Gasteizen, Arabako Foru Aldundiaren egoitzan egin dute mobilizazioa.

Euskal Herriko Mugimendu Feministak argitara emandako oharraren arabera, atzoko mobilizazioen helburua zaintza sistema iraultzeko urgentzia mahai gainean jartzea zen. Mugimenduak egiten duen irakurketaren arabera, bizitza duinak eraikitzeko ezinbestekoa da bizitzak zaintzea, eta horretarako aldarrikatu beharra dago askatasunez eta konpromisoz zaintzeko eta zainduak izateko eskubidea.

Oharrean, fokupean jarri dituzte zaintza negozio iturri bihurtu duten eragileak: “lan hori erabat ikusezin mantentzeko interesa dute batzuek: Lan horiek soldatapetik zein lan erregimen orokorretik kanpo utzita, negozioa egiten baitute. Horrela, zaintza lanak emakumeen, eta geroz eta gehiago emakume migratu eta arrazializatuen gain jartzen dira, baldintza eta esplotazio egoera muturrekoetan”.

Mugimenduak egoeraren erantzuletzat ditu enpresa pribatuak eta erakunde publikoak, eta eskatu die zaintzaren pribatizazioa eta merkantilizazioa bukatzea.

Enpresak eta instituzioak lehen lerrora ekartzeaz gain, gizonei dei egin die gai horretan ardura har dezaten eta azaroaren 30ean greba feminista orokorrarekin bat egin dezaten.

Urriaren 7an herri akordioa aurkeztuko dute, “sistema kapitalista, arrazista eta heteropatriarkala gainditu eta guztion bizitzak erdigunean jarriko dituen euskal zaintza sistema publiko eta komunitarioa definitze bidean”.

Iruñean Atzerritarren Legearen aurkako mobilizazioa egin dute. Argazkia: EHko Mugimendu Feminista.

 


Irakurrienak
Matomo erabiliz
Azoka
Kanal honetatik interesatuko zaizu: Greba orokor feminista
Analisia
Ez iskin egin zaintza sistemari

Arabako Foru Aldundiaren erabaki batek etxez etxeko zerbitzurik gabe utzi ditu 150 pertsonatik gora, EH Bilduk salatu duenez. 700 euroren truke etxe barruko langile edo interna jarri behar izaten dira emakume etorkin asko, ez dutelako logela bat ordaintzeko modurik, Nafarroako... [+]


2023-12-10 | Mikel Zurbano
Feminismoak ekonomia berrasmatzen

Azaroaren 30eko greba feminista orokorrak bide ematen digu ekonomian genero ikuspegiak ekartzen duen begirada berriaz eta emandako urratsez hausnartzeko. Ekonomia konbentzionalak soilik etekinak lortzeko ahalegina egiten duen bitartean, genero ikuspegiak jendartearen eta... [+]


2023-12-04 | Leire Artola Arin
ANALISIA
Zaintza deserosoa da, greba ere bai

Langile guztiok dakigu greba orokorra nola egiten den, eta zer ondorio dituen. Baina ez genekien greba feminista orokorra egin zitekeenik, ezta eraginik izan zezakeenik ere. Mugimendu Feministak konplexuak alde batera utzi eta erakutsi du zaintza jendarte osoaren auzia dela eta... [+]


Diskurtsoaren lapurreta

Azaroaren 16 eta 17an zainketei buruzko lehenengo euskal biltzarra egin da Donostian. Bertan, lehendakariak eta beste agintari batzuek zaintza sistema komunitarioa eta zaintzen inguruko itun soziala aldarrikatu dituzte. Azken asteotan, Eusko Jaurlaritzaren publizitateak... [+]


Analisia
Bideak egiten adinekoen zaintzan

Eguraldi gogaikarri, hotz eta euritsu batek Donostiako greba feminista lagundu zuen. Grebak estereotipoak hautsi eta adinekoen zaintzaileek emakume langile gisa dituzten eskubideak eskatu ditu, etxeko langile gisa kontratatuak baitira. Greba feminista orokorra! oihuka ibili... [+]


Eguneraketa berriak daude