Denon Bizitzak Erdigunean plataformak mahai intersektorial bat sortzea exijitu die euskal gobernuei
Herri Akordio bat osatu dute prozesu honetan batu diren mugimendu feminista, eragile sozial eta sindikatuetako kideek. Greba Feminista Orokorra “mugarritzat” jo dute.
Zaintzaren gaiari urgentziaz heltzeko, Denon Bizitzak Erdigunean plataformak mahai intersektorial bat sortzea exijitu die euskal gobernuei abenduaren 1an grebaz egindako balorazioan. Urgentziazko egoeratzat hartu dute hau eta borondate politikoa eskatu diete gobernuetan, udaletan, foru aldundietan eta ardurazko postu guztietan, zaintzaren gaiari aterabide bat emateko ardura politikoa har dezaten. Berretsi dute, zaintza lehen mailako arazo politikoa dela, eta “gure bizitzak, lurrak, komunitateak jokoan” daudela.
“Etorkizunean nahi dugun zaintza sistema publiko-komunitarioa amesteko eta egikaritzeko unea” dela ziurtatu dute, baita “sistema publiko duina” aldarrikatzekoa ere; osasuna, hezkuntza eta zaintza bermatuko dituena. Plataformako kideen hitzetan, “guztiok zaintzarako eskubidea izatea behar dugu: pentsio duinak, etxebizitza eskubidea, errolda eskubidea, zaintzeko denborak, baimenak, lurrak…”.
Bestalde, azpimarratu dute Espainiako Atzerritartasun Legeak eta horri lotutako “arrazakeria instituzionalak, politikoak eta sozialak” ez dietela emakume migratzaileei bestelako bizi aukerarik eskaintzen.
Arabako Foru Aldundiaren erabaki batek etxez etxeko zerbitzurik gabe utzi ditu 150 pertsonatik gora, EH Bilduk salatu duenez. 700 euroren truke etxe barruko langile edo interna jarri behar izaten dira emakume etorkin asko, ez dutelako logela bat ordaintzeko modurik, Nafarroako... [+]
Azaroaren 30eko greba feminista orokorrak bide ematen digu ekonomian genero ikuspegiak ekartzen duen begirada berriaz eta emandako urratsez hausnartzeko. Ekonomia konbentzionalak soilik etekinak lortzeko ahalegina egiten duen bitartean, genero ikuspegiak jendartearen eta... [+]
Langile guztiok dakigu greba orokorra nola egiten den, eta zer ondorio dituen. Baina ez genekien greba feminista orokorra egin zitekeenik, ezta eraginik izan zezakeenik ere. Mugimendu Feministak konplexuak alde batera utzi eta erakutsi du zaintza jendarte osoaren auzia dela eta... [+]
Eguraldi gogaikarri, hotz eta euritsu batek Donostiako greba feminista lagundu zuen. Grebak estereotipoak hautsi eta adinekoen zaintzaileek emakume langile gisa dituzten eskubideak eskatu ditu, etxeko langile gisa kontratatuak baitira. Greba feminista orokorra! oihuka ibili... [+]
Zaintza sektoreko langileen baldintza txarrak eta zaintza zerbitzuen kalitatearen okertzea salatu dituzte. Sektore feminizatuetan borrokan diharduten emakume langile asko batu dira mobilizazioetara; Correosek eta beste hainbat enpresak azpikontratatutako garbitzaileak,... [+]