Irune Usunagak egindako kartela izango da maiatzaren 27an eta 28an ospatuko diren Bilboko Alde Zaharreko jaietako irudia. Egitaraua pixkanaka joango dira iragartzen eta jai batzordeak hainbat berrikuntza egongo direla hitzeman du.
Maiatzaren 27an eta 28an Bilboko Alde Zaharreko jaiak ospatuko dira eta ostiralean jaien kartela aurkeztu zuten. Aurten lehen aldiz egin dute kartela aukeratzeko lehiaketa eta Irune Sunsunaga izan da irabazle. "Zaharrean berri" lelopean txokolatada eta jaien aurkezpena egin zuten auzokideek.
Jai batzordeak adierazi duen moduan jaiak "komunitate bateko adierazpen sinboliko nagusia dira; komunitate batek duen adierazpenik naturalena". Alde Zaharrak dituen berezitasunak alde batera utzita, auzo bat direla azaleratu nahi dute auzokideek eta horretarako ezinbestekoak dituzte jaietan ospatzen diren herri-bazkariak, kontzertuak, edo txosnetan trago bat hartzea.
Bilbon makro-ekitaldi bat egitea jaiak egitea baino errazagoa dela kritikatu duten arren, argi utzi dute jaiak ospatuko dituztela: "Kaleek kolore bana hartuko dute eta auzoa poz kolektibo batean lehertuko zaigu".
Oraindik ez dute kartela argitaratu, baina gaurtik eta jaiak hasi bitartean ekintzak, proposamenak eta ekimenak iragartzen joango dira. Baita ordutegiak eta tokiak ere. Kartela betetzen joango dira hurrengo asteetan, baina orain arte aurreratu dutenaren arabera, ez dira faltako Alde Izarrak "talent show"-a, ur-zezenen entzierroa, paella lehiaketa, bazkaria, auzo olinpiadak... Guztia aurrera eramateko jendearen laguntza eskatu dute. "Oraingoz, prestatu zuen koreografiak eta sukaldatzeko tresnak! Beharko dituzue eta!", adierazi du jai batzordeak.
Egun handiaz gain, kultur egitarau zabala antolatu du Basaizea Elkarteak hilabete osorako.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
"Mugimendu Sozialista gure herriaren errealitate politiko eta sozialaren parte da, eta ideologia baztertzailerik ez duen beste edozein eragilek bezala, espazio zabaletan eta jai herrikoien antolaketan parte hartzeko eskubidea dauka", adierazi dute oharrean. Makina bat... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]