ARGIA.eus

2021eko urtarrilaren 18a

Zabortegien kudeaketa ikertzeko lantaldea eratzeari ezezkoa eman diote EAJk eta PSE-EEk legebiltzarrean

  • Zaldibarko zabortegiaren eta antzeko hondakindegi industrialen egoera ikertzeko proposamena egin dute Elkarrekin Podemosek eta PPk, EH Bilduk babestuta. EAJk eta PSE-EEk baina atzera bota dute ponentzia euren botoekin. Jeltzaleen aburuz “Joaquin Beltranen gorpuzkinak aurkitzea” da lehentasuna.

ARGIA @argia
2020ko urriaren 01a

Zaldibarko hondamendiaren ostean, horren inguruan duen dokumentazio guztia helarazteko eta zabortegi industrialen egoera eta kudeaketa ikertzeko lantaldea sortzea proposatu dute Elkarrekin Podemos eta PPk alderdiek Eusko Legebiltzarrean. Baina gobernuan daude taldeek atzera bota dute eskaera, euren gehiengoarekin.

EAJko Maria Eugenia Arrizabalagak argudiatu duenez, beste “lehentasun” batzuk daude orain parlamentuko lantalde bat osatu aurretik, hala nola Joaquin Beltranen gorputza aurkitzea edo zabortegien inguruko egoera eta politika "sakonago aztertzea", eta lantalde horrek ez luke azken hori “azkartuko”, bere hitzetan.

EH Bilduk proposamena babestu du eta EAJri aurpegiratu dio argudio horiekin dagokion lana egin nahi ez izatea: “Nor ari da gorputza bilatzen? Zu ari zara? Edo zure lana beste bat da? –galdetu dio Arrizabalagari Mikel Otero EH Bilduko heledunak– Noski dela gobernuaren lana baita ere gorputzak bilatzea edo bilatzen laguntzea, horrek kentzen du hemen batzorde bat sortzea?”. Oposizioko talde nagusiak, hain zuzen, batzorde berezi bat sortzea eskatu du egunotan.

Miren Gorrotxategi Elkarrekin Podemoseko ordezkariak, ondorio garbia atera du gobernuko taldeen jarrera ikusita: "Eusko Jaurlaritzaren kudeaketa zalantzan jartzen duen ekimen orori betoa jarriko diote, alperra pasako diote".

Aste osoan zehar hainbat mugimendu egin dituzte bai gobernuan dauden taldeek bai oposiziokoek ponentzia horren inguruan, PPren proposamenari osoko zuzenketak egiten. Azkenean, mugimendu horiek medio, EAJk eta PSE-EEk esku artean zuten beste proposamen bat ezin izan dute aurkeztu eta bozkatu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Zaldibarko zabortegiaren krisia kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude