Joseba Tapia, Maddi Oihenart, Mixel eta Maika Etxekopar, Xiberotarrak, Altzükütarrak, DJ Üzkülüz eta kantu txapelketako partaideekin, egitarau oparoa prestatu dute azaroaren 5erako.
ARGIAk Merezimenduzko Saria bideratu zien urte hasieran Ipar Euskal Herriko hiru irrati libreei. Irulegiko Irratia-k eta Gure Irratia-k 40 urteak behar bezala ospaturik, Xiberoko Botza-ren aldi da asteburu honetan. 18:00tatik aitzina hasiko da kontzertua eta 22:00etan Jose Tapiak hartuko die lekukoa, bere musikariez inguraturik.
"Irrati kasik guztiz euskalduna gara. Oso programazio sendoa dugu xiberotarrez. Xiberotar anitzen eskaria da xiberotarrez Xiberoaz mintzatzen den edukia ukaitea. Gure berri gehienak guk baizik ez ditugu aipatzen, Xiberoan instalatuak garen bakarrak garelako", azaldu dio Kazeta.eus-i Beñat Larori irratiko kazetariak.
40 urtez bide oparoa egin dute, eta gaur egun irratiaz gain, webgune eta sare sozialen bidez ari dira herritarrak informatzen, bost langile eta 30 laguntzaileri esker. Irratiaren sortzeaz eta ibilbideaz mintzo dira hastapenetik abenturaren parte izandako Leoni Aguergaray eta Allande Etxart, Xiberoko Botza-ren Lau Haizetara emankizunean.
Hemen duzue 2022ko ARGIA Sariak banaketaren kari osaturiko bideoa, Xiberoko Botza, Irulegiko Irratia eta Gure Irratia komunikabideen sorrera eta ibilbidea aipagai hartuz:
Espainiako Estatuan hedabide digitalak edota prentsa kontsumitzen dituen herritarren %66k ez du ezer ordaintzen horregatik. Orain apur bat gehiago hasi dira ordaintzen digitalak, baina ezer gutxi, %13k ordaintzen baitzuen zerbait 2022an (Digital News Report España 2023... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]