Hamargarren Euskararen Maratoialdia antolatu dute Lasarte-Orian, Euskaraldia berotzeko
2016an hasitako 40 egun euskaraz erronkari jarraituz, Euskaraldiarekin bat egingo du Euskara Maratoiak aurten. Bidea badakite: Sentitu, prestatu eta ekin!
Sei urteren ondoren, bueltan da Lasarte-Oriako Euskararen Maratoia. Hamargarren edizio honetarako, programazio zabala ziurtatu dute antolatzaileek herriko eragile sozial ugariren eskutik. Aurten, hala ere, badute beste helburu bat: Euskaraldira “prest eta motibatuta” iristea.
Lasarte-Oriako Udalak, Ttakun elkarteak eta Zortziko taldeak antolatu eta dinamizatuko dute Hamargarren Euskararen Maratoia. Euskaraldiarekin bat egingo duenez, gainera, izena eraberritu dute, eta Maratoialdia izango da aurtengoa.
Euskara maratoia 1986tik antolatzen da Lasarte-Orian. Hasiera batean, 40 orduz jarraian oholtza gainean euskaraz aritzean zatzan. Urtez urte, ekimena eraberrituz joan dira, eta 2016an saltorik handiena eman zuten. Etenik gabeko 40 orduez gain, 40 egunez euskaraz jarduteko erronka proposatu zuten, eta ahobizi eta belarriprest rolak sortu zituzten; gerora, Euskaraldiak Euskal Herri osora zabaldu zituen rol horiek.
Pandemia dela-eta, ezin izan zen ospatu 2020rako aurreikusita zegoen maratoia. Baina itxaronaldiak merezi izan du. Leloa Sentitu, Prestatu eta Ekin! izango da, eta hiru etapak bereizten ditu. Sentitu faseak urriaren 22a eta 23a hartuko ditu, eta herritarrek euskaraz gehiago egin dezaten “motibazio kolpea” izango da. Prestatu garaia urriaren 24tik azaroaren 17 bitartean egingo da, eta, hain justu, Euskaraldia hasi aurretiko prestakuntza eskainiko zaie herritarrei. Ekitea izango da azken pausua: “behin motibatuta eta nork bere burua prestatuta”, Euskaraldiaren 15 egun horietan hizkuntza-ohiturak aldatzen hastekoa. Fase horrek azaroaren 18tik abenduaren 2ra arte iraungo du.
Fase bakoitzerako kartelak egin dituzte antolatzaileek, eta dagokien epearen aurretik banatuko dute Txintxarri aldizkariarekin batera. Dagoeneko bistan dira Sentitu fasearen afixak.
“Eta euskaraz egiten badugu?” lelopean, hasi da dagoeneko, Mintzapraktikako izen-emate kanpaina Euskal Herriko hainbat herri eta hiritan. Beraz, ikasturte osoan zehar, zaletasun ezberdinen bueltan euskara praktikatzeko aukera izango dute parte-hartzaileek.
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
Euskal Burujabetzaren Barometroaren seigarren neurketa aurkeztu dute asteartean Donostian. Euskal Herriarekiko atxikimendua da nagusi oro har, baina Nafarroan Nafarroarekikoa gailentzen da. Euskara ez dago euskal sentimendua azaltzeko gako nagusien artean, baina gaztelera eta... [+]
EAEko Auzitegi Nagusiak atzera bota du Donostiako bi udaltzain postutarako euskarazko B2 profila eskatzen zuen lan deialdia. "Euskaldunen eskubideak urratzen dituen" epai berri honen aurrean, hainbat eragilek salatu du "euskaldunen aurkako oldarraldiak"... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]
Irailaren 16tik 22ra iraganen da euskararen erabilpena bultzatzeko xedez antolaturiko festibala. Baiona, Angelu eta Miarritze hirietan bideraturiko festibalaren hamahirugarren edizioa dute aurtengoa.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
Sarean lan egiteko elkar entzutea eta errespetatzea “nahitaezkoa” da Aitor Bedialaunetarentzat (Ondarroa, Bizkaia, 1991). Euskal Gorrak, Pertsona Gorren Elkarteen Euskal Federazioko presidentea zeinu hizkuntzaren kalitatea zaintzearen garrantziaz mintzatu da. Salatu... [+]
Garai hiper azeleratu eta likido hauetan erantzun sendoek heldulekuak eskaintzen dizkigute. Erraza da krisi garaietan halako premisa bati heldu eta zure egitea, bandera altxatzeraino. Inguruan gertatzen ari den guztia ulertzeko erantzunak behar dituzu, erantzun azkarrak; eta... [+]