Elkarrekin Podemosek aurkeztutako lege proposamena ez da aurrera atera Eusko Legebiltzarrean. Alderdi moreak soilik EH Bilduren babesa izan du eta PSE eta EAJ kontra azaldu dira; PP abstenitu egin da.
Legeak mekanismoak jarri nahi zituen ustelkeria salatzen duten pertsonak babesteko, bai administrazio publikoan bai sektore pribatuetan gertatzen diren kasuetan ere. Elkarrekin Podemosek De Miguel auzian edota Pinosolo kasuan izandako salaketak gogorarazi ditu –salatzaileak jo puntuan jarri zituzten salatutakoen alderdietako ordezkari politiko zenbaitek–.
EAJ eta PSE baina, legearen kontra azaldu dira eta aurkako botoa eman dute. Argudiatu dute testua "orokorregia" dela eta ez dagoela horrelako lege bat aurrera ateratzeko nahikoa arrazoirik. Zentzu horretan, EAJko David Latxagak azaldu du bidean dela "gardentasunaren eta herritarren parte hartzearen inguruko legea".
Bai jeltzaleek eta baita PSEko ordezkariek ere Elkarrekin Podemoseko kideei leporatu diete azken lege horren prozesuan "inork baina traba gehiago" jarri dituztela. Baina Elkarrekin Podemosek argitu nahi izan du zuzenketak egin zizkiela gardentasun legeari, euren proposamenarekin batera tramatuta zedin; bestalde, zuzentarau komunitario batek ustelkeria salatzen duten pertsonak legez babestea eskatzen duela ohartarazi du.
EH Bilduk babestu egin du lege proposamena eta nabarmendu du beharrezkoa dela halako eztabaidei bide ematea. Datu bat eman du Larraitz Ugarte koalizioko bozeramaileak: Europako herritarren %81ak ez du iruzurra salatzen. "Adierazgarria" iruditu zaio Ugarteri zifra hori, iradokiz salatzaileak duen babes falta dela horren arrazoietako bat.
Lege honez gain, EH Bilduk aurkezturiko beste ekimen bat ere zintzilik dago momentu honetan: ustelkeriaren kontrako bulegoa. Jaurlaritzak argi berdea eman zion arren, Araba, Gipuzkoa eta Bizkaiko foru aldundiek blokeatu egin dute ekimena; hauek ere EAJ eta PSEren esku daude.
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.