Urtaranen gobernuak LGTBI atalaren %70a murriztu nahi du Gasteizko aurrekontuetan
Lumagorri elkarteak ekarpenak aurkeztu dizkio Udalaren aurrekontu-proiektuari, LGTBI politiketan murrizketak saihesteko. "Murrizketetatik babestu beharreko zerbitzua da, are gehiago osasun-, ekonomia- eta zaintza-krisi baten testuinguruan".
Lumagorri elkarteak hainbat ekarpen egin ditu Udal Gobernuak 2021erako aurrekontu proiektuan proposatu dituen murrizketak saihesteko. Zehazki, sexu- eta genero-aniztasunerako agenda, Ikusgune-Gasteizko LGTBI+fobiaren aurkako Behatokia eta Jabekuntza feministarako Eskola biltzen ditu elkartearen proposamenak.
Izan ere, LGTBI politiketara zuzenean bideratutako partidek aurrekontuaren ia %70eko murrizketa izan dute EAJk eta PSEk aurkeztutako aurrekontu-proiektuan. Gainera, murrizketa horri Jabekuntza feministarako Eskolak jasaten duena gehitu beharko litzaioke.
Lumagorrik aurkeztutako proposamenak 2021eko aurrekontu-proiektua 2020koarekin berdintzeko eta hobetzeko eskatzen du. Zehazki, partida hauek aurkeztu ditu elkarteak:
- Ahalduntze feministarako eskola: 130.000€.
- Sexu- eta genero-aniztasunerako agenda: 40.000€.
- LGTBI Behatokiaren hitzarmena: 75.000 €.
- LGTBI Behatokia: 20.000 €.
«Beharrezkoa da Gasteizko Udaleko Berdintasun Zerbitzuari giza baliabide eta baliabide ekonomiko
nahikoak ematea. Murrizketetatik babestu beharreko zerbitzua da, are gehiago osasun-, ekonomia- eta zaintza-krisi baten testuinguruan. Beraz, zerbitzu horretara bideratutako partida ekonomiko guztiek, nolanahi ere, igoera bat izan beharko lukete, eta inoiz ez murrizketa bat», adierazi du Lumagorrik ohar baten bidez.
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Berdinen arteko ezkontza legeztatzen duen lehenengo herrialde kristau ortodoxoa da.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.